Madcos 14:30 - El Nuevo Testamento en matsés

³⁰ Adshobien Esusën. Tantia. Mibi chuinu. Nëid inchëshëmbi cachina daëdec cuëdabicnuc: Umbi isacmaidquio aidi nec, quequin mimbi 3teden chiendac, capanëdash.

Madcos 14:30 ပူးပေါင်းရင်းမြစ်များ

Mateo 26:34

Adshobien Esusën: Tantia. Mibi chuinu, Petedo. Nëid inchëshëmbi cachina 3tedec cuëdabi icnuc: Umbi isacmaidquio aid nec, mimbi ubi caindac, capondash.

Madcos 13:35

Aden umbi chuibued tantiashun: ¿Nëbida Cun Icbo chopeba? quequin iuabon ënenquio icquin tantiacbimbuen tantiata. Ubi chote uëshë mimbi tantienquio iqueque. Inchëshbudtsëqui chotsiash, quequin tantiata. Adembidi: Inchësh poctsembo chotsiash, queshun tantiaquiota. Adembidi: Cachina cuëdannubi chotsiash, queshun tantiaquiota. Adembidi badiadnubi chotsiash, queshun adembidi tantiaquiota.

Madcos 14:29

Adoaquien Petedo: Mibi cuesnuec chochosho isash utsibo dacuëdec niquenubi umbien mibi nianenquio iquendac, quepanëdash.

Madcos 14:31

Adsho tantiash: Pada. Adtiapimbueni iquec. Chieshëmënquidon: Esusbëd icquid mibi neque. Cuessunnenu, caqui: Umbi isacmaid neque. Padi, quenquio iquendabi. Mibëdquiobi uënëstsiandabi, quepanëdash Petedo. Adecbidi Esusbëd icquido utsibo onqueuapanëdash.

Ducas 22:34

Adoaquien: Tantia. Chuinu, Petedo. Cachina cuëdabicnuc nëid uëshëmbi ubi caic: Umbi isacmaid nec, quequin mimbi 3teden chiendac, capanëdash Esusën.

Uanën dada uaid 13:38

Adsho tantiashien Esus: Ubien natiad iquec ¿quecta ictsia? Tantia. Mibi chuinu. Cachina cuëdanabi icnuc: Umbi isacmaid nec, quequin mimbi 3teden chiendac, quepondash Esus.

Uanën dada uaid 18:17

Adoac puduedmeshun shëcuë isquid chidon: ¿Nëmbo bëbued dadabëd icquidta ne? capondash. Adoaquien Petedon: Padenquio. Aidbëd icquidpenquio nebi, capondash.

Codinto 1 10:12

Aden icsambuen nainquio ictsiambi, quequin tantiaquidi abia icsatsiash, quiash chieshtoenquio icquin Esus tantiec bëdambuec tabadta.