Madcos 14:22 - El Nuevo Testamento en matsés

²² Aden pequimbi Esusën pan sananquin: Mimbi uaid nëid pete bëdambo iquec, Papa, quequin Nuquin Papa chuitanquin cuëshcuëshshun menequin abëd icquido naden chuipanëdash: Ubi uënës uate tantiaquin nëid cun dadabimbuecquid neque. Pe, cac pebededpanëdash.

Madcos 14:22 ပူးပေါင်းရင်းမြစ်များ

Mateo 14:19

Adoaquien Esusën abi datsidadquido chuiquin: Uasinën tabadbud, capondash. Adoac tabadbudsho istanquin pan 5tedbëta nuëcquid daëd sananquin abuc isec: Mibi bëdambocquid icquin mimbi meniaid nëid pete nec, Papa, quec onqueshun pambëta nuëcquid cuëshbudcuenquin menequin: Nëid meneban, Esusën cac abëd icquidobëtan menebampondambi.

Madcos 10:16

Aden chuitanquin Esusën bacuëbo dayumbanquin mamishquin: Nëid bacuë bëdambo icmeta, Papa, quequin Nuquin Papa chuipanëdash.

Madcos 14:21

Nuquin Papan ubi bedmete chuiquin dada uamiampicpadombuen Matsesën Tishaid icsho ubi bedmendac. Aden ubi chieshënquin bedmequid cumapenen cuidtequidquio nendac. Aidi aton titan tishenquio icpatecnëdan, quepanëdash Esus.

Madcos 14:23

Adshumbic Esusën uba chinaid cushtoaid dëshote sananquin: Mimbi uaid nëid actequid bëdambo iquec, Papa, quequin Nuquin Papa chuitanquin: Nëid mibitedishun acbeded, quequin meniac aniactse aniactsen acbededpanëdash.

Madcos 14:24

Aid actequid acshobien: Nëid cun intacbimbuecquid nec. Aid acquin: Ubi cuidmenquio icnuen Nuquin Papan abided cuidmiac aton intac siquebudpambuec uënëspanëdash. Adec uënësaid tantiaquid icsho Nuquin Papan ubi cuidenquio iquec, quequin nëid acquin ubi tantiata.

Madcos 6:41

Adec tabadbudsho istanquin pan 5tedbëta nuëcquid daëd sananquin abuc isec: Mibi bëdambocquid icquin mimbi meniaid nëid pete nec, Papa, quec onqueshun pambëta nuëcquid cuëshbudcuenquin menequin: Nëid meneban, Esusën cac abëd icquidon menebampanëdash.

Ducas 22:17

Adoshombic dëshoten uba chinaid cushtotanquin sananquin Nuquin Papa chiec onqueshun abëd icquido menec: Në, pistsëc pistsen acban mibitedishun.

Ducas 24:30

Adshumbic nuntan tabadquin pete tabëcte dayun abëdi tsadquin pan bedshun: Mimbi pete uaid bëdambo iquec, Papa, quequin Nuquin Papa chuishun cuështanquin Esusën abidaëdi menepanëdash.

Uanën dada uaid 6:23

Adnubien shubu dadpen icquid Tibedias caid yacnocquidon cano dadpen bëbëpanëdash. Aden bëbëshun abi Esusën: Papa nëid mimbi meniaid bëdambo iquec, queshun pan pemebued anoentsëqui nando nandosho isac:

Codinto 1 10:4

Adembidi abëd nidquid cuënotebimbuecquid Esuquidistun aido acte bundoacsho issun cuënote dapa yacnoshon acte chomiaid abitedishumbi acbededpampic.