Madcos 13:26 - El Nuevo Testamento en matsés

²⁶ Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec nadatiambocquin nabanquidquio yec abu ushu yacno chosho matses abitedishunquio ubi isbededendac.

Madcos 13:26 ပူးပေါင်းရင်းမြစ်များ

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Mateo 24:30

Adnubien Matsesën Tishaid yec ubi chotequid icnuc abuc ismiantequid icsho isbededendac. Adsho isash nidaidën tabadquido matses abitedimbo dacuëdec natiaquiec shubiquiendac. Adnubini Matsesën Tishaid iquequi abitedishun Icbo yec nadatiambo icquin nabanquidquio yec bëchamauanquiec abu ushu yacno ubi chosho isbededendac.

Mateo 25:31

Adshumbic Esusën padpiden abi chote chuiuapondash: Matsesën Tishaid yec abi yacnouësh abëd icquidobëd choec: Abitedishun Icbombueni nec, quiash bëchamauampambuec choequi cun tsadte dapa bëdamboshëcquidën tsadtoquin abitedimbo ismendambi.

Madcos 14:62

Adoaquien Esus: Ai, aidi nebi. Matsesën Tishaid yec abuc niduashic Nadatiambocquidën dayun abiucquio tsadsho mibitedishun isendac. Adashic abucuësh abu ushun ubi chouasho mibitedishun isendac, quepanëdash Esus.

Madcos 8:38

Esus tantiaquid yec ambi chiaid tantiaquid nebi, quequid icquimbi ubi tantiesabo icsambuec tabadquido dacuëdënquin ubi caic: Aid tantiaquid nebi, catiapimbocquid icsho isash nadendabi. Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Cun Pabëd icquido bëdamboshëcquidobëd choshon nidaidënshun umbitsen: Nëid ubi tantiaquid nec, cauatiapimbo iquendabi, quepanëdash Esus.

Madcos 9:1

Aden chiashic Esus: Nëmbo tabadquid ubi tantiaquid utsi utsiec uënësabi yec nidaidën abi tabadsho Nuquin Papa nadatiambocquidën ambi namiaid choquin ismendac, quepanëdash.

Ducas 21:27

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec uëshëmbo iquec nadatiambocquin nabanquidquio yec abu ushun ubi chosho matses abitedishunquio isbededendac.

Hechos 1:11

Nidaid Cadidea yacnouësh choquido ¿atotsi quiash abuc isec tabadec ne? Abuc indosho mimbi isbued Esus abu ushun choec budsho mimbi padpiden isuaindac, quepanëdash abuc isbededec tabadquido chiec.

Tesadonica 1 4:16

Padenquio icnubien Nuquin Papan namiac Nuquin Papabëd icquidon chuiquid abi yacnouësh choec nuambo cuëdtuidsho tantiendac. Adnubien Nuquin Papan chiacpadombuen abëd icquid utsin nua shoncaindac. Aden shoncanubi Esus abucuësh budnubi Esus tantiec uënësaidotedi abia uincuenendac.

Petedo 2 1:16

Nadatiambocquin nabanquid yec Nuquin Icbo Esuquidistu: Padpidec chouaindabi, quiondash, quequin ubitedishun chuibanaid ambembi muaquin chuibanaidpenquio nec. Umbimbo bëchamauanquiecsho isondaidquio mambi mibitedi chiec nec.

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.