Madcos 13:23 - El Nuevo Testamento en matsés

²³ Adquid iquendac, quequin mibitedi chiombique. Adquid yanshun chuibansho: Abimbo caic, quequin tantienda, quepanëdash Esus abëd icquido chiec.

Madcos 13:23 ပူးပေါင်းရင်းမြစ်များ

Mateo 24:25

Adquid yanabicnuc: Muaquido iquendac, quequin mibitedi chiec nebi, quepondash Esus.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Madcos 13:22

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin Nuquin Papan tantiamiaido chieshënquimbi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Madcos 13:24

Aden matses icsamboshë icquidon ubi tantiaquido natiamequin mëyadmequin nainnubi badiadën uëshë chënquebuedi inchëshquio yanendac. Inchëshën uëshëtsen chënquenquio yanendac.

Madcos 13:33

Ubi chote uëshë tantiadenquio icnuc: Nuquin Papan Chiaid niacmane, queshun Aidën Chiaid istednequin tantiaquiota.

Madcos 13:5

Adoaquien Esusën: Tantia. Mibi chuinu. Muaquidoba choshon chuisho tantiash: Abimbuen cachitec, quec mua uade, tantiaquiec tabadta.

Madcos 13:9

Adquid yannuc ista, cacbimbuen bëdambuen tantiec tabadta. Mibi bedshun: Icsambocquid neque. Cuidta, quequin chuiquido menenun mibi buanendac. Adembidi bedshun Nuquin Papan Chiaid chuibante shubuno buanacsho chuiquido cuesmequin mëyanmendac. Adembidi bedshun isadaidpembon chuiquid cobednadodbëd aidon chuiquid tapambo yacno buanac umbi nabanaid mimbi aido chuibanendac.

Ducas 21:34

Adembidi chuinu. Tantiata. Nëishën: Nëbi ubi sec, quequin tantienquio yec capusho badedquio siac cuentiapimbo yec uënësendac. Adecbidi: Natiate uëshë choec, quequin tantienquio yec tabadquin badiadquidën badiadquidënquien acte paë uaid actednepec. Adecbidi atona bednuec abi bunaiduidi tantiec tabadpec. Aden nabanec tabadnubi ¿Nëbida Nuquin Papan matses abitedimbo cuidte uëshë chopeba? Aid choec, quequin tantiaquin caimbudec bëdambuec tabadta.

Ducas 21:8

Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.

Uanën dada uaid 14:29

Umbi chuibocpadquiec yansho issun ma nëidon: Esusën abimboshenda capondash, quequin tantianu, queshun aidtedi mibi chuibanombi.

Petedo 2 3:17

Tantia, cun utsibo. Umbi tantiaido icsho mibitedi chuinu. Abimbo tantienquio icquin Nuquin Papan Chiaid niac niacquidon muaquin chuibanendac, ubi quesho tantiashun: Esus tantienquio yanmane, queshun ënenquio icquin aid tantiec bëdambuec tabadta.