Madcos 13:14 - El Nuevo Testamento en matsés

¹⁴ Adnubien Nuquin Papa chieshënte uëshë choendac. Aid chonoc Nuquin Papan oncamiaid Daniedën aden icsambuen nate chuiquin Nuquin Papan Chiaid dada uapampic. Aidën dada uampid isbanquidën mimbi tantiendac. Ubi tabadte shubu yacnoshon adotemaidquio nec, caidi pichicate dayunshun icsambuenshë nabanquid icsho isash: Cuessunnenushe, quiash nidaid Udea yacnocquido macuësh tapa yacno ompodec cuenac bëdambo ictsiash.

Madcos 13:14 ပူးပေါင်းရင်းမြစ်များ

Mateo 13:51

Adshumbic Esusën: ¿Ada umbi chuibuedtedi tantie? caquini: Ai, tantiembi, quecuededpondac.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Esusën Uan ismiaid 1:3

Nëid dada uaid isquin Esus tantiaquido chuibanquido Nuquin Papan bëdambo icmendac. Aidën chuibanac tantiaquidotsen: Ambi chiacpadombuen Nuquin Papan: Aden naindambi, quequin chiaid nëbi nanushe. Nëidën chiacpadombuen nanuna, quequid Nuquin Papan bëdambo icmendac.

Esusën Uan ismiaid 13:18

Nëmbo cumapenen tantiaquidënuidtsëqui abi cuëmëdquidquio chienquio icquimbi 666 chuiquin dada uaid nec, catsiash. Aden 666 bëdambuen tantiashun matses icsamboshë icmequid chuiquid tapambo cuëmëdquid nec, quequin tantiendac, quequin ismeposhi.