Madcos 11:17 - El Nuevo Testamento en matsés

¹⁷ Adembidi tantiamenuen chuibanquin: Nuquin Papan chuiquin dada uamiampid nad iquec: Ubi tabadte shubu dapa nidaid utsi utsiec yacnoquido ubi chiannec tabadte shubu iquendac, quequin chiampid iquec. Aden chiampid icnubi mitsanauidi bedte bunquin ampec tabadte shubu mibitedishun icmiaye. Niecun, quequin Esusën chushcapanëdash.

Madcos 11:17 ပူးပေါင်းရင်းမြစ်များ

Madcos 11:16

Aden niacunshun Nuquin Papa tabadte shubu dapa yacnoshon nasiadquin atona bedbededshun buansho issun: Nuquin Papan shubu neque. Nëmbo mitsana bëbëash capucuededenda, capanëdash Esusën cumapenen chushcaquin.

Ducas 19:46

Aden cuenmequin chiec: Nuquin Papan chuiquin dada uamiampid nad iquec: Ubi tabadte shubu dapa ubi chiannec tabadte nec, quequin chiampid icnubi adoenquio icquin mitsanauidi bedte bunquin ampec tabadte shubu mibitedishun icmiaque. Niecun, quepanëdash Esus.

Uanën dada uaid 2:14

Nidashic Nuquin Papa tabadte shubu dapa tsicatequin daquënë uaidën puduedpondash. Puduedshun isaquien atona menequin piucquid bedquido dadpen nëish iua chedobëd icpondash. Baca yec obeca yec oshpodcobimbuecquid quënëmpin sauedaid yec quec icpondash. Aton iua menequin piucquid bednuec utsibo tabadnubi utsibo ambi tabëcaid dayun tabadpondash. Nidaid utsi yacnouësh chochoquidën piucquid bedquin aton nidaidën icquid piucquid meneuaquido icpondash.

Uanën dada uaid 2:16

Adotanquimbic oshpodcobiecquid menequin piucquid bedquidotsen chiec: Baded mitsana buanec nid. ¿Piucquid bedec tabadnuen shubu uaidta nedic? Ma Cun Pa tabadte shubu dapa neyoc, quequin chushcapondash.