Madcos 10:52 - El Nuevo Testamento en matsés

⁵² Adoaquien Esusën: Aidën ubi bëdanmetsiash, quequin mimbi tantiacpadquiequi mibi bëdanoque. Nidec nid, Esus quenubi badedquio bëdanquin bëshuacbuedëmbi isbenuapanëdash. Adec bëdanshun Esus nidsho issun tsibanampanëdash.

Madcos 10:52 ပူးပေါင်းရင်းမြစ်များ

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 12:22

Adnubien: Ma Esusën bëdanmenu, queshun bëshuash onquesa bëpondash. Aidi podobitsi icsa dapuduedshun bëshu uain eme uaid yec onquesa nepanëdash. Adquid icshobien Esusën podobitsi icsa dapuduenmepondash. Adoac isbenequi onquiampondash.

Mateo 15:28

caquien Esusën: Ai. Ubi tantiaquidquio mibi nec. Mimbi chiacpadec min champi bëdanendac, quesho tantianec aton shubuno nidshun isaquien aton champi bëdanac Esusën chuibocpadënquiobi.

Mateo 21:14

Adoambien Nuquin Papa tabadte shubu dapa yacno bëshuaido yec tidinquequido yec quenuc bëbëpondash. Aden bëbëacsho issumbien Esusën aidotedi bëdanmebampondash.

Mateo 8:3

Esus: Ai, mibi bëdanmete bunebi, quequin mishtemaidquiobi mishnubi badedquio bëdampanëdash daicsaid nibëdquio yanec.

Mateo 9:22

Adoac bidiadquin chido isquin Esusën naden chuipondash: Dacuëdenda. Mibi: Aidën bëdanmiac bëdanebi, quequin mimbi tantiacpadquiequi mibi bëdanoc, Esus quenubi bëdanquiopanëdash.

Madcos 1:31

Aden chiac aid uiacno puduedshun Esusën mëdinquin nidtomiac chumbo icbuedi badedquio dauebudec bëdampanëdash. Aden bëdanmiac codocashun abëd icquidobëta Esus pemepanëdash.

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Madcos 8:25

Aden abi chuisho Esusën bëshuaid padpiden bëmishuaquien bëucudquiopanëdash bëdambuen isbenec.

Ducas 7:50

Aden pec tabadquidon tantianubi chido caic: Ubi tantiaquid yec Nuquin Papa yacno puduedtequid mibi neque. Dacuëdenquio yec nidta, quepanëdash Esus.

Ducas 9:48

Ubi tantiaquin nadquid bacuë nashunquin ubi iuedquin nashunacbimbuecquid nendac. Ubi iuedquin nashunquidën ubi chomiondaid Nuquin Papa nashunuacbimbuecquid neuaindac. Nidaidënuësh utsi nashunquidquio icbuedi aidquiobi abi yacnoshon Nuquin Papan: Chuiquid tapa icta, caindac, quepanëdash Esus abëd icquido chiec.

Uanën dada uaid 9:32

Anin bëshuacchobi tishaid bëdanmiac caosh, quesho tantiambo iccondambi. Adquid bëdanmequid nibëdpadennec.

Uanën dada uaid 9:39

Adshumbic Esusën naden chuipondash: Matses cuidquid nebi, quiash matsesbëd tabadec Nuquin Papa yacnouësh chondabi. Umbi bëshuaid bëdanmiac tantiesa icbuedëmbi ubi tantiabensho Nuquin Papan bëdambuen isec. Utsiboen: Nuquin Papa tantiaquiembi, quebuedombi bëshuacbimbuen ubi tantiatiapimbo icquin Nuquin Papa tantienquio iquec, quepondash Esus.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.