Madcos 10:24 - El Nuevo Testamento en matsés

²⁴ Aden chuisho tantiash tantiadempambo yec tabadsho issun Esusën: Cun utsibo, atona dadpen icquid atonauidtsëqui tantiaquid yec Nuquin Papan namiacno puduedtiapimbo iquendac.

Madcos 10:24 ပူးပေါင်းရင်းမြစ်များ

Mateo 19:25

Aden chuibansho tantiashien tantiadempambo yec tabadec abëd icquido nadpondash: ¿Tsudain Nuquin Papa yacno puduedtequid icpec? quesho tantiashumbien

Madcos 1:27

Adosho isash tantiadempambo yec tabadcuededec: ¿Abimbobida capec? ¿Mitsi padquid nepeba? Ambi chuibanaid chiaid chuca utsibien nechitec. Ma chuiquidën nacpadombuen: Dapuduen, ambi cac aidën chiacpadombuen podobitsi icsan napayoc, quec onquecuededpanëdash.

Madcos 10:23

Adec nidsho istanec bidiadshun bëisbanquin Esusën abëd icquido naden chuipanëdash: Atona dadpen dayun uaquid atonauidtsëqui tantiaquin Nuquin Papa tantiabentiapimbo iquec. Adquid yec Nuquin Papan namiacno puduedtiapimbo iquendac, quepanëdash.

Ducas 16:14

Aden chuibansho tantiash aton piucquid ambi tantiaidquio icnuc Esus icsambuen chuishunquin mamënshunec padiseobo tabadcuededpanëdash.

Uanën dada uaid 13:33

Tantia. Umbi tantiaido yec cun mado caido icsho mibitedi chuinu. Mibëd iuec tabadenquio iquendabi. Umbi isadaidbon chuiquid tapabo chuibocpadombuembidi mibitsen chuiuanu. Ubi nidacsho nibënquin mibitedishun ubi istuidenquio iquendac. Ubi nidacno mibi nidtiapimbo iquendac.

Uanën dada uaid 21:5

Adshobini Esusën cuëmpondash: Caniabo ¿tedtsi nuëcquid bedo? cac: Padambo. Nibëdec, capondambi.

Uanën dada uaid 6:60

Adec: Cun nami pequinc cun intac acquinc cash mibi bëdambo ictsiac, Esus quesho tantiashien abi tsibanquido utsi utsiec: Aden natiapimbo icnuc chiec, quepondash.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Timoteo 1 6:17

Atona dadpen dayun uaquido naden chuita, mado. Cuna dadpenquioshë icnuc ubiuidtsëqui bëdambo iquebi, quenda. Nibëdantiapimbo icquid danquin mimbi dayun uaiduidtsëqui tantienda. Nuquin Papambo tantiaquiota. Aidëmbi matses bëdambo icmenuen atona dadpen bedmec, quequin chuita.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Uan 1 4:4

Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.

Uan 1 5:21

Cun bacuëbobimbuecquido mibi neque. Naden icsambuen nainda. Utsibon ambibi nacnenshun papa cain tantiaid Nuquin Papapenquio tantiec tabadenda.

Esusën Uan ismiaid 3:17

Nuquin Papan Chiaid niac niaquec icsambocquid nechitebi, quetiadquidi: Cuna dadpen bedshun umbi dayun uaid icnuc utsi bunenquio yec bëdambo iquebi, mibi quepoc. Adsho umbi isac piucquid nibëdnuc dashcute dasiuidenquiocquid yacbimbuec icsambo mibi iquec. Esus tantienquio yec Nuquin Papabëd tabadtiapimbo icchitebi, quetiadquidi mibi adenquio iccoc. Bëchish ucambo yacbimbuen mimbi icsambuen naid ënenquio icsho mibi bëdambuen istiapimbo iquebi. Pacuënnëdacbimbuen ubi tantienquio icquido yec mibi dashcute dasiuidenquio yacbimbuec iquec.