Madcos 10:2 - El Nuevo Testamento en matsés

² Aden chuibannubi padiseobon chieshënquin: Nuquin Papan Chiaid icsambuen chuimenu, queshun Esus naden chuituidpanëdash: Aton bënën dada uaid menequin aton chido cuenmete tantiaquin ¿Mitsi paden mimbi chuipe? Tantianu. Ubi chui, capanëdash.

Madcos 10:2 ပူးပေါင်းရင်းမြစ်များ

Mateo 15:12

Adsho tantiashun abëd icquidobëtan naden chuipondambi: Mimbi aden chuibued tantiashun padiseobon mibi nëishënosh, Icbo. ¿Ada tantie? caquien:

Mateo 16:1

Adnubien padiseobobëtan saduseobon: Esus icsambuen namenuna, quiash Esus yacno choshon naden chuipondash: Nuquin Papan Chomiaid nebi, quequin Aidën namiac nadatiambo icquin nabanquin ubi isme, cabededpondash.

Mateo 19:3

Adnubien Esus yacno choshon padiseobon Esus chieshënquin: Nuquin Papan Chiaid icsambuen chuimenu, queshun Esus naden chuituidpondash: Aton bënën aton chido icsambuen nabi icshobi ambembi chuiquin dada uashun cuenmiac ¿ada bëdambo icpatsiash? capondash.

Mateo 22:35

chochoshon abentsëcshun Moisesën chiampid tantiamequidquio icquin Esus icsambuen chuimenuen naden chuituidpondash:

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Mateo 9:34

Adnubien padiseobo: Podobitsi icsabon icbon namiaid icquimbien Esusën podobitsi icsa dapuduenmequin nachitec, quecuededpondash Esus caic.

Madcos 10:1

Esus abëd icquidobëd shubu dadpen icquid Capednaun yacnouësh puduanec nidec nidaid cuëshë Udea yacno matambidanec nidquin acte Odan caid potepanëdash. Ambo uëshë choacmi choash tabadsho isash padpidec matses dadpen chochopanëdash. Adec chochoacsho issun ambi chuidedniacpadembi Nuquin Papan Chiaid padpiden chuibanuapanëdash Esusën.

Madcos 10:3

Adoaquien: ¿Atotsi mibitedi tantiamenuen Moisesën dada uaquin chuipampic? capanëdash Esusën.

Madcos 8:11

Aden potiash tabadnubi padiseobo chochoshon: Esus icsambuen namenuna, queshun naden chuipanëdash: Nuquin Papan Chomiaid nebi, quequin Aidën namiac nadatiambocquin nabanquin ubi isme, capanëdash.

Madcos 8:15

Aden potequimbi Esusën naden chuipanëdash: Padiseobobëd icquidonabëd Edodes Antipasbëd icquidona pan bidiscametebimbuecquid iqueque. Tantechoquiota, quequin chuipanëdash Esusën.

Ducas 11:39

Adoaquien aidën otacquio tantiaid tantiaquidquio icquin tantiash Esus nadpanëdash: Mibi padquidobëtan mimbi naden naic. Padapadaidbëta dëshote chieshquin cachocuidtsëqui dapanshun anauc ampanambo icquidi ampanaid danmianacbimbuec mibitedi bëdambuec tabadquid danmianquiec ampeteuidi bunquido yec icsamboshëcquido mibitedi nec.

Ducas 16:14

Aden chuibansho tantiash aton piucquid ambi tantiaidquio icnuc Esus icsambuen chuishunquin mamënshunec padiseobo tabadcuededpanëdash.

Ducas 5:30

Aden adquidobëtan Esusën pesho isashien padiseobobëdi Moisesën chiampid tantiamequido: ¿Atotsi queshun piucquid bedshunquidobëtan utsibon: Icsambo icquidombo nec, caidobëtambi min chuiquidbëtan mibitedishun pebededpe? quepanëdash Esusbëd icquido chiec.

Ducas 6:7

Ambobidi tabadquin Moisesën chiampid tantiamequidobëtan padiseobon: Nëid chonoadtemaid uëshëmbi Esusën bëdanmenushe. Isnuna. Aden chonoadquin bëdanmesho issun: Mimbi icsambuen naic, canuna, quiash tabadquin caimbededpanëdash.

Ducas 7:30

Aden aidon mentomenubi Nuquin Papan namiaid icte bunenquio icquin padiseobobëtan Moisesën chiampid tantiamequidon Uan acten mentomenquio icpanëdash.

Uanën dada uaid 11:47

Adsho tantiatanequien nëish iua cuessunneshun pichicaquidon chuiquido yec padiseobo yec Moises dada uamiampid tantiamequido yec isadaidbon chuiquid utsibo yec quenuc chochomiash tabadec nadec onquecuededpanëdash: ¿Mitsipadotiad? Nuquin matses ismequin nadatiambocquin dadpen nabanac caoshe.

Uanën dada uaid 7:32

Aden Esusën naid chiec shoshoshquetsëcquiec onquesho tantiashumbien padiseobon Nuquin Papa ismequin nëish iua cuessunneshun pichicaquidon chuiquidobëtan naden chuipanëdash: Esusien bedmetiad. Icsambuec onquioshe, cac: Ai, adembien ictiad, queshun aidon Nuquin Papa tabadte shubu dapa isquido sondado chuiquin: Baded bedtan, quequin nidmepanëdash.

Uanën dada uaid 7:48

¿Adambi muaquin chuisho nuquin chuiquidobëtan padiseobon Esus tantiashundio? Padenquio iccombi.

Uanën dada uaid 8:6

¿Atotsi Esusën chieque? Nuquin Papan chiampidquio chienquio icsho: Mimbi icsambuen chiec, catiad, queshun: ¿Adembidida mimbi tantie? capondash. Adoaquien Esusën ëcbedenquio icquin shuebudshun mëdante dëshbin nidaidën dada uapondash.

Codinto 1 10:9

Nadembidi tantienda. ¿Ambi chiaid niacshoda ubi Esuquidistun cuidpatsiashba? quequin tantienda. Nuquin tsusedpabon abi chushcannesho Nuquin Papan cuidquin nisi pemiac dadpen uënësbudnepampic.