Madcos 10:18 - El Nuevo Testamento en matsés

¹⁸ Adoaquien Esusën: ¿Atotsi quequin mimbi ubi: Bëdambocquid nec, cape? Nuquin Papa abentsëcquiobien bëdambocquid nec.

Madcos 10:18 ပူးပေါင်းရင်းမြစ်များ

Mateo 19:17

Adoaquien Esusën: ¿Mitsipadquid bëdambocquid cai? Nuquin Papa abentsëcquiobi bëdambocquid nec. Aidbëd ënëdenquio yec tabadnuen Ambi Chiaid Moises dada uamiampidtedi nata, capondash.

Madcos 10:17

Aden chianec auëshquio puduanec podquiedën nidnubien dada abentsëc titinquianec choquin bëquedtanec dannëshën sebudash tsadquin: Chuibanquid yec bëdambocquidquio mibi neque. En ubi chui. Nuquin Papa yacno ënëdenquio yec tabadnuen ¿atotsimbi nape? capanëdash chobuedën Esus chuiquin.

Madcos 10:19

Nuquin Papan: Naden nata, quequin Moises chuiquin naden dada uamepampid mimbi tantiec: Cuessunnenda. Min chidopenquio chudenda. Ampenda. Cuidmenuen utsi mua uainda. Adecbidi utsina bednuec muainda. Titabëta papa chieshënenquio icquin bëdambuen tantiata, quequin chiampictedi mimbi tantiec, capanëdash Esusën.

Ducas 18:19

Adoaquien Esusën: ¿Atotsi quequin mimbi ubi: Bëdambocquid nec, cape? Nuquin Papa abentsëcquiobien bëdambocquid nec.

Doma 3:12

Abitedi Nuquin Papa tantienquio yec podquied icsambocquidën nidacbimbuec iquec. Abitedimbo icsambocquido nec. Ambi Chiaid bëdambuen naquidquio nibëdec. Abentsëc adquidquio nibëdec.

Santiaco 1:17

Nuquin Papa icsa nibëdquid yec bëdamboshëcquidquio icquin nuquitedi bëdambocquid menendac. Aidëmbi badiadën uëshëbëta inchëshën uëshë uatanquin uispatedi uapampic. Nuquin Papa utsi ictiapimbo icquid yec iuecash adquiouidi iquendac. Inchëshnuc abuc icquid chënquebuedi chënquenquio yanacbimbuecpenquio utsi ictiapimbo iquendac.

Uan 1 4:16

Naden nuquitedi tantiec: Tantianquidquio icquin Nuquin Papan nuqui tantiec. Adecbidi aton matsesbëd tantiananquidquio yec Nuquin Papabëd cuëshëdenquiocquid nec. Adecbidi nuquibëd Nuquin Papa iquec.

Uan 1 4:8

Matses tantianquidquio Nuquin Papa nec. Adquid icnuc nuqui utsibobëd tantiananesa yec Nuquin Papa tantiaquidpenquio nec.