Madcos 1:34 - El Nuevo Testamento en matsés

³⁴ Adsho issun shubunuësh puduenshun nënquidobëta daicsaidotedi Esusën bëdanmebampanëdash. Adembidi podobitsi icsa dapuduedaid oncamenquio icquin dapuduenmebampanëdash. Umbi tantiaid Nuquin Papan Madombo nec, quequin chuinushe, queshun oncamenquio icpanëdash.

Madcos 1:34 ပူးပေါင်းရင်းမြစ်များ

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Madcos 1:25

Adoaquien Esusën: Adec cuëdenda. Adec cuëdenquio yec aidën dadan iquenquio iquec dapuduenta, capanëdash.

Madcos 3:12

Adoaquien: Aden chuiquin utsibo tantiamenda, quequin Esusën chushcapanëdash.

Ducas 4:41

Adembidi utsi utsiec podobitsi icsa dapuduedaido icsho dapuduenmebampanëdash. Adoac: Nuquin Papan Madombo mibi nec, quec sidquesho tantiashun: Aden ubi chienda, Esusën cac podobitsi icsa ënëdpanëdash. Mesias nebi, quequin tantiaquin utsibo tantiamenushe, queshun podobitsi icsa chuimenquio icpanëdash.