Madcos 1:23 - El Nuevo Testamento en matsés

²³ Aden Esusën isadaidbon Nuquin Papan Chiaid chuibante shubun chuibansho tantiec tabadnubien dada podobitsi icsa dapuduedaid abi tsadacnouëshquiobi cumapenec nadec cuëdec:

Madcos 1:23 ပူးပေါင်းရင်းမြစ်များ

Mateo 12:43

Adshumbic naden Esusën chuipondash: Dada podobitsi icsa dapuduedaid icposh. Aidi abi dapuduedaid dapuduenash podobitsi icsa matses nibëdec masiuidpambo yacno nidash capucuennequimbi abi dapuduedtequid utsi istuidenquio icposh.

Madcos 1:22

Aden chuisho tantiash tantiadempambo yec tabadec: ¿Mitsipadombuen tantiabenshun adombuen chuibanquin napeba? Tantiaquidënquio chuibanacpadombuen Esusën chuibampayoc. Ma Moisesën chiampid tantiamequidon adombuen chuibanenquio icpaboc, quecuededpanëdash.

Madcos 1:24

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan bëdambuen isaidquio yec Icsaisambo mibi nec, quepanëdash.

Madcos 1:29

Adashic Nuquin Papan Chiaid chuibante shubu yacnouësh puduenanec Simonën shubu yacno nidec Santiaco yec Uan yec quec aidobëd Esus nidpanëdash. Aidën shubun icquidbidi aton utsi Andedes icpanëdash.

Madcos 1:34

Adsho issun shubunuësh puduenshun nënquidobëta daicsaidotedi Esusën bëdanmebampanëdash. Adembidi podobitsi icsa dapuduedaid oncamenquio icquin dapuduenmebampanëdash. Umbi tantiaid Nuquin Papan Madombo nec, quequin chuinushe, queshun oncamenquio icpanëdash.

Madcos 1:39

Aden chuibanec nidaid cuëshë Cadidea caidën icquidtedi yacno capucuennequin Esusën Nuquin Papan Chiaid chuibante shubun shubunquiec puduedcuennequin Nuquin Papan Chiaid Bëda chuibampanëdash. Adembidi podobitsi icsa dapuduedaido dapuduenmebampanëdash.

Madcos 5:2

Ambo nidash pudundoshobi podobitsi icsa dapuduedaid dada choquin Esus bëquedtuidpanëdash. Aidi uënësaido chococaid shëcuë yacnouësh puduenanec choquin bëquedpanëdash.

Madcos 7:25

Aden chuisho tantiash podobitsi icsa dapuduedaid champin tita Esus yacno chopanëdash. Adec choequi Esusën taëno dannëshën tinquebudpanëdash.

Madcos 9:25

Adsho tantiash matses dadpen chochosho issun podobitsi icsa naden chuiquin: Matses oncamenquio icquin pashu uaquid mibi neque. Ambo padpidec tabadenquio yec dapuduenta, capanëdash Esusën.