Hechos 9:6 - El Nuevo Testamento en matsés

⁶ Nidtoanec shubu dadpen icquid Damasco yacno nidec nid. Amboshon umbi: Nata, cacpadombuen ambocquid mibi chuimembique. Nidec nid, capanëdash.

Hechos 9:6 ပူးပေါင်းရင်းမြစ်များ

Mateo 19:30

Adshumbic: Utsitsen mibitedi chuinu. Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepondash Esus.

Ducas 3:10

Adoaquien: Nuquin Papan aden cuidnushe, queshun ¿atotsimbi napatsia? capanëdash iccuededquidon.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 10:32

Simon cashumbic Petedo cuënaid Ope yacnocquidbëd tabadquid ma bedtannu, queshun mimbi namiaido nidmeta. Aidi Simon cuëmëdquid utsi nëish iua bitsi uashun chodcashun nacnenquidën shubun tabadec. Aidën shubu acte dapa mad cuëman iquec, quequin Nuquin Papabëd icquidën chuiposhi.

Hechos 10:6

Aidi Simon cuëmëdquid utsi nëish iua bitsi uashun chodcashun nacnenquidën shubun tabadec. Aidën shubu acte dapa mad caid cuëman iquec, quepanëdash Nuquin Papabëd icquid Codnedio chiec.

Hechos 2:37

Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Hechos 22:10

Aden dachëncac umbentsëqui tantiec uequin: ¿Atotsimbi nape Icbo? capondac. Adoaquien: Nidtoash shubu dadpen icquid Damasco yacno nidec nid. Amboshon umbi: Nata, quequin chuibued dada utsin mibi chiendac, capondashi Esusën.

Hechos 26:16

Umbi namiaid mibi icmenuec isadcuenec chobique. Nidtota. Adshun: Esus isondambi, quequin ubi chuibenneta, caid nëbi mibi yanec. Ubi chuibennequin mimbi isaidbëta umbi iuecshun mibi ubi tantiamiaid chuibenneta.

Hechos 9:5

Adoaquien Saudon: ¿Tsutsi ne? caquien: Mimbi chieshënquin mëyanaid Esus nebi.

Doma 10:20

Adembidi dacuëdenquio icquin Nuquin Papan abi chuibued tantiaquin Isayasën naden dada uapampic: Ubi tantiate bunenquio icbuedombi ubi tantiabenendac. Ubi caic: ¿Ada Nuquin Papa icpec? quesabobi: Nëmbo iquebi, caindambi, quequin chuipampic.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Doma 5:20

Matses ambi icsambuen naid tantiamenuen ambi: Naden nata, quequin chiaid Moises dada uamepampic. Aidën chiaid chuisho tantiashi icsambuen naquido dadpenquio yampampic. Aden icsambuen naquido dadpenquioshë yansho issumbi Nuquin Papan matses tantiaquidquio icquin bëdambuen iste bumpampic.

Doma 7:9

Nuquin Papan Chiampid tantiabi yec cuidte dacuëdënenquio yec bëdambo iquebi, quiondabi. Adshumbic Nuquin Papan Moises dada uamiampid issumbi: Ambi chiaid niac niacquin icsambuen naquidquio nebi, quec

Pidipos 2:12

Cun utsibo, umbi tantiaido mibitedi neque. Tantia. Chuinu. Ubëd tabadquin umbi chiacpadombuen mimbi nadedniondacpadombuen ubi uanno nidan adembidi bëdambuen nata. Nuquin Papa dacuëdampambo icquidën chiaid niacmane, quiash aidën chiacpadombuen naic aidbëd tabadnush bëdambuec tabadta.

Santiaco 4:6

Aidëmbi nuquitedi tantiaquioquin nashunec. Adquid icnuc Nuquin Papan dada uamiampid nad iquec: Utsibo tantienquio icquin aton nauidtsëqui nasho: Icsambo iquec, caindac Nuquin Papan. Utsimbien atonauidtsëqui tantienquio icquin utsibotsen tantiaquin nashunsho Nuquin Papan bëdambuen isquin nashunendac, quequin chuiquin dada uamepampic.