Hechos 9:30 - El Nuevo Testamento en matsés

³⁰ Adec Saudo cuessunnete bunsho tantiashun Sesadea caid yacnoba Esus tantiaquidon Saudo buanshun abi tishnëdacno Tadso caid yacno Saudouidtsëqui nidmepanëdash.

Hechos 9:30 ပူးပေါင်းရင်းမြစ်များ

Mateo 10:23

Shubu dadpen icquid yacno nidacsho natiamequin chieshënac shubu dadpen icquid utsi yacno cuenta. Amboshontsen umbi naid chuisho chieshënuac shubu dadpen icquid utsi yacnotsen cuenuata. Adecuidi cuendedneta. Nëid nidaid Isadaidën shubu dadpen icquid abitedi yacno nidabi icnubi nuquin matses isadaidbo abitedi chiabi icnubini Matsesën Tishaid yec chouaindac, quepondash Esus.

Mateo 16:13

Adashic nidaid cuëshë utsi Sesadea Uedipo caid yacno Esus nidpondash. Adshumbic abëd icquido naden chuimepondash: Matsesën Tishaid icsho utsibon: ¿Tsutsi nec, ubi caosh? caquien abëd icquidon:

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 11:25

Adashic Antioquia yacnouësh puduanec Saudo bednuec Bednabe nidec shubu dadpen icquid Tadso yacno nidshun

Hechos 17:10

Adshumbic: Mibi bednushe, queshun aid inchëshëmbi Tesadonica yacnocquid Esus tantiaquidon Pabadobëta Sidas shubu dadpen icquid Bedea yacno nidmepanëdash. Aden nidmiac ambo tabadec Nuquin Papan Chiaid chuibante shubu yacno Pabadobëd Sidas puduedpanëdash.

Hechos 17:15

Bedea yacnoshon utsibon bëyucanquin Pabado buanec nidequi shubu dadpen icquid Atenas yacno chopanëdash. Ambo choash abia bëyucanquin Pabado bëbuedo: Ubi icbocnobidi Bedea yacno niduaibi, quesho tantiashun Pabadon: Mibi yacno niduashun: Badedquio Atenas yacno chota, quiosh Pabado, quequin Sidasbëta Timoteo chuita, capanëdash. Aden chiac nidannepanëdash.

Hechos 28:14

Ambo choacsho istuidshun ambocquid Esus tantiaquidon Pabado abëd icquidobëta: 6tedec ushec ubëd tabadec cho, cac: Ai, quesho iuedpondashi. Aidted ushec Esus tantiaquidobëd tabadash auëshquio puduanec podquiedën nidequi shubu dadpenquio icquid Doma yacno ubitedi chopondabi.

Hechos 8:40

Adnubien Nuquin Papan Mayan Bëdan buanac Uedipe nidaid utsi Asoto caid yacnouësh isadcuempanëdash. Ambo capucuennequin shubu dadpen icquid yacno yacnombuen Chiaid Bëda Esus abided uënësaid chuibanequi shubu dadpen icquid Sesadea yacno chopanëdash.

Hechos 9:11

Adshobien: Nidtoash podquied Cuembocquid caid yacno nidtan. Ambo nidshun Udasën shubun puduedquin: Shubu dadpen icquid Tadso caid yacnoshon tishaid Saudo cuëmëdquid ¿ada iquec? quequin chuita. Aidi Nuquin Papa chiec tsadec.

Cadasia 1:21

Aden Edusaden yacno istanec choashic iuec iuecpambo ictanec nidaid cuëshë utsi Sidiabëta nidaid cuëshë utsi Sidisia caid yacno isec nidondabi.