Hechos 9:3 - El Nuevo Testamento en matsés

³ Aden chiac dada uashun meniac bedash Edusaden yacnouësh puduanec ënapen nidec shubu dadpen icquid Damasco anoentsëqui yanshobi abucuësh uëshëmboshë yec bedquec chënquequidën Saudo dachëncaquin dëcatepanëdash.

Hechos 9:3 ပူးပေါင်းရင်းမြစ်များ

Hechos 22:6

Aden bedash aid buanec podquiedën nidec uëshë cuembo yannuc shubu dadpen icquid Damasco caid anoentsëqui yanshobi abucuësh bëchamauanquiec chënquequin dëcatequin dachëncapondashi.

Hechos 9:17

Adsho tantianec nidec Ananias Udasën shubun puduedquin Saudo istuidshun mamishec: Cun utsi, mibi podquiedën chosho chuibuedën Nuquin Icbo Esusënquio mibi cain: Ma padpiden ismebennu, quequin chomiaid nebi. Adembidi aton Mayan Bëda mibi menemenuen chomiaidbidi nebi, quepanëdash Ananias Saudo chiec.

Hechos 9:27

Adnubien Bednaben Esus chuibennequido iccuededacno buanquin Saudo iuedpanëdash. Aden iuedshun: Saudon Damasco yacno nidquin Nuquin Icbo ispaccosh. Aden ismec Nuquin Icbo Saudobëd onquepaccosh. Adanec shubu dadpen icquid Damasco yacno choshon dacuëdenquio icquin Esus chuibampaccosh, quequin Saudon naid Bednaben chuibampanëdash.

Codinto 1 15:8

Adshumbic aido ismequin nainshun iuecshun ubitsen ismeuapondash. Nëbi bacuë tishec, cacmaidi nëncuenshun tishacbimbuen tsiuecquio ismepondashi.

Codinto 1 9:1

Nuquin Icbo Esus isondambi. Aidën: Ubi chuibenneta, caidquio nebi. Adquid iquec utsibon namiaidpenquio nebi. Umbi Esuquidistu chuibansho tantiash aid tantiaquid mibitedi yampondac.

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Esusën Uan ismiaid 21:23

Ambobidi inchështanec badiadenquio iquendac. Badiadën uëshë isadenquio iquendac. Inchëshën uëshëtsen isadenquio iquendac. Nuquin Papa uëshëmbo yec bëchamauanquiec icquidëmbi ambo uëshëmbouidquio iquendac. Adecbidi Obecabimbuecquid tabotebimbuec iquendac.

Esusën Uan ismiaid 22:5

Ambo inchështe nibëdendac. Nuquin Papa bëchamauanquiec icquidëmbi uëshëmbouidquio icnuc inchështe nibëdquio iquendac. Adecbidi badiadën uëshë chënquequid nibëdnuc matsesën tabote taboaid nibëdendac. Adshumbic abi tantiaquido chuiquid tapabo icmiac ënenquio icquin namebanendac, quequin ismeposhi.