Hechos 9:18 - El Nuevo Testamento en matsés

¹⁸ Aden Ananiasën chuinubi nuëcquid bitsibimbuecquid ëshënuësh paëdnubi bëshuacbuedëmbi Saudon bëdambuen isbenuapanëdash. Aden isbenash capusho acten mentopanëdash.

Hechos 9:18 ပူးပေါင်းရင်းမြစ်များ

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 2:41

Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.

Hechos 22:13

Aidëmbi ubi isec choshon: Cun utsi Saudo, padpiden isbenua, cac isenquiocbuedëmbi badedquio isbenuaquimbi Ananias ispondambi.

Hechos 22:16

quequin chuishumbic: ¿Atotsi cainec tsadec ne? Esus tantiabenquin mimbi icsambuen naid chuita. Ma mimbi icsambuen naid tantienquio yec Nuquin Papa bëshunnu. Aden chuitanquin: Nëbi Esus tantiaquid nebi, quequin utsibo ismequin acten mentometa, capondashi Ananiasën.

Hechos 9:17

Adsho tantianec nidec Ananias Udasën shubun puduedquin Saudo istuidshun mamishec: Cun utsi, mibi podquiedën chosho chuibuedën Nuquin Icbo Esusënquio mibi cain: Ma padpiden ismebennu, quequin chomiaid nebi. Adembidi aton Mayan Bëda mibi menemenuen chomiaidbidi nebi, quepanëdash Ananias Saudo chiec.

Hechos 9:19

Adecbidi penquio yec padishacbuedi piash padpidec uidënquio yanuapanëdash. Adash shubu dadpen icquid Damasco yacno Esus tantiaquidobëd iuecpactsëc tabadpanëdash.

Hechos 9:8

Adec onquec ënëdan nidtoshon isnuequi Saudo istiapimbo yec bëshupanëdash. Adsho issun mëdinanquin Damasco yacno buampanëdash.

Codinto 2 3:14

Nuquin Papan dada uaid Moisesën chuibanac tantiate bunesa aton matses isadaidbo icpampic. Adquiobidi pamumëdacbimbuec isadaidbo abi tabadec. Nuquin Papan Chiampid isec onquec nëbi adquiobidi abi bëdambuen ismenuen nate tantiesa nec. Padnuen Esuquidistu uidtsëqui tantiaquidën Nuquin Papa bëdambuen ismete tantiec.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.