Hechos 9:17 - El Nuevo Testamento en matsés

¹⁷ Adsho tantianec nidec Ananias Udasën shubun puduedquin Saudo istuidshun mamishec: Cun utsi, mibi podquiedën chosho chuibuedën Nuquin Icbo Esusënquio mibi cain: Ma padpiden ismebennu, quequin chomiaid nebi. Adembidi aton Mayan Bëda mibi menemenuen chomiaidbidi nebi, quepanëdash Ananias Saudo chiec.

Hechos 9:17 ပူးပေါင်းရင်းမြစ်များ

Mateo 19:13

Adnubien Esus ismenuen bacuëbo bëbëpondash. Mamishquin ma Nuquin Papa Esusën chuinu, quequin bëbësho issumbimbi abëd icquidobëtan: Padi. Nëmbo bëbëenda, capondac.

Madcos 5:23

naden Esus chuipanëdash: Cun champi uënëstiadtsëcquio iccoshe. Aid mishquin bëdanmec cho, quequin chuidoniac

Madcos 6:5

Aden abi tantiate bunenquiocsho issun nadatiambocquin dadpen nabantiapimbo icpanëdash. Ubi bëdanmepatsiash icnundac, quequin tantiaquidquio nënquido daëdpactsëc icsho mishquin bëdanmebampanëdash.

Ducas 1:41

Adsho Isabedën tantianubi aton bacuë cumapenec cuididiquepanëdash. Adec aton bacuë cuididiquenubi Nuquin Papan Mayan Bëdan tantiamiacpadec Isabed

Ducas 1:67

Adnubien Uanën papa Sacadias Nuquin Papan Mayan Bëdan oncamiac naden aton mado Uanën nate chuipanëdash:

Ducas 1:76

Nuquin Papan Chomiaidquio chuibanquidquio mibia icsho issun utsibon: Nuquin Papan oncamiaidquio nec, mibi caindac, mado. Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin aid chuiquidquio mibi iquendac.

Ducas 15:30

Nëbi mimbi meniaidtedi buanec nidshun chido piucquid bedec chudadquid chudquin piucquid uestanec min mado choacsho issun bacan bacuë caniactsëc nuambo tsënënaid ma mimbi cuessunnemepayoc, quequin bëyuc tishaidën aton papa chushcaposh.

Ducas 15:32

Min utsi uënësacbimbuec icbuedi nëbi choash tabaduaic. Aidi bënnudacbimbuec icbuedi nëbi istuidacbimbuec chosh, quequin aton papan aton mado bëyucquid chuiposh, quepanëdash Esus.

Ducas 2:11

Nëbimbobi tsusedpa Dabid tishampicnoshon Beden yacnoshon Nuquin Papa yacno iuedanquid Quidistu Nuquin Papan Chomiaid abitedishun Icbombo ictequid tishosh.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 13:3

Adoaquien buna mëmunquin Nuquin Papa chiec onquequin nainshun abëd icquid utsibon mëdanten Saudobëta Bednabe mamishquin nadopanëdash: Nidaid utsi utsiec yacno nidshun Nuquin Papan chiacpaden Esus chuibennetan, capanëdash.

Hechos 13:52

Bednabebëd Pabado Antioquia yacnouësh nidambien Antioquia yacnocquid Esus tantiaquido: Bëdambo iquebi, quecuededpanëdash. Adecbidi aidtedi aton Mayan Nuquin Papan menebanac aton Mayan Bëdan namiaidquio yec cuishonquecuededquiopanëdash.

Hechos 19:6

Aden acten mentoaidotedi dada 12ted icsho Pabadon mëdanten mamishbanshobi Nuquin Papan aton Mayan Bëda menepanëdash. Adoac abi onquiacmaidënquio onquequin: Nuquin Papan: Naden naindambi, quequin oncamiaid chuibampanëdash.

Hechos 2:4

Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.

Hechos 21:20

Aden chuisho tantiash: Nuquin Papan namiaid bëdambo iquec, quetanquin naden Pabado chuipondash: Nëmbo Esus tantiaquid isadaidbo dadpenquio iquec. Aido Nuquin Papan Moises dada uamiampid: Naden nata, quequin chiaid naban, quequin chuiquido nec.

Hechos 26:15

Adoaquimbi: ¿Tsutsi ne? capondac. Adoaquien: Mimbi mëyanaid Esus nebi.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 6:6

Aidtedi istuidshun buanec Esus chuibennequido yacno choash puduedshun ismiac aid dada 7tedi mamishquin Nuquin Papa chiec: Nëidtedi niante bëdambuen nashunmeta Papa, quequin Esus chuibennequidon chuipanëdash.

Hechos 8:17

Petedobëtan Uanën mëdanten Esus tantiaquido mamishbampanëdash. Aden mamishbannubi aidtedi Nuquin Papan aton Mayan menepanëdash.

Hechos 9:18

Aden Ananiasën chuinubi nuëcquid bitsibimbuecquid ëshënuësh paëdnubi bëshuacbuedëmbi Saudon bëdambuen isbenuapanëdash. Aden isbenash capusho acten mentopanëdash.

Doma 15:7

Esuquidistun mibitedi bëdambuen isacpadombuembidi utsibotsen bëdambuen isquin tantiata. Adoac aidon: Nuquin Papa bëdamboshë iquec, caindac.

Codinto 1 15:47

Bëyuc matses uaid dada nidaid putu nacnenaid yec nidaidën tabadtequid nepampic. Aidën tsiuec choquid dada abucuësh choquid Nuquin Icbo nec.

Codinto 1 15:8

Adshumbic aido ismequin nainshun iuecshun ubitsen ismeuapondash. Nëbi bacuë tishec, cacmaidi nëncuenshun tishacbimbuen tsiuecquio ismepondashi.

Codinto 1 9:1

Nuquin Icbo Esus isondambi. Aidën: Ubi chuibenneta, caidquio nebi. Adquid iquec utsibon namiaidpenquio nebi. Umbi Esuquidistu chuibansho tantiash aid tantiaquid mibitedi yampondac.

Timoteo 1 4:14

Ënden mibi mamishquin chiondaid ¿tantienquioda ique? Ënden Esus tantiaquidon chuiquid tapabon mibi mamishbededshobien Nuquin Papan Mayan Bëdan tantiamiac aidon mimbi chuibante naden chuipanëdash: Nuquin Papan Chiaid bëdambuen chuibanquid Timoteo iquendac, quequin chuipanëdash. Adoaid yec chieshtoenquio icquin chuibanquid icta, mado.

Timoteo 1 5:22

Nuquin Papan Chiaid chuibanquid icmenuen nuqui naondacpadombuen badedquio mamishenda. Ambi naid iuen isquioshon ambi chiaid iuen tantiaquioshon: Bëdambo icquid nec, queshun nata. Esus chuibanquid icta, mimbi badedquio cabuedën Nuquin Papan Chiaid badedquio niacsho isash: Ambi: Adquid icta, caidbëd Timoteo icsamboshë iquec, utsibo quenushe. Ubëtan chuibanquid icta, badedquio cainda. Bëdambuen nata.

Timoteo 2 1:6

Aden tantiaquid icsho mimbi tantiondaid padpiden mibi chuinu. Naden chiondambi: Min Mayan nëidbëd tabadmequin cuesambo icmequin Esus chuibanme, Papa, quequin mibi mamishquin Nuquin Papa chiondambi. Adoac aton Mayan mibëd tabadmiaid icquin dacuëdenquio icquin Esus chuibanta, mado.

Pidemon 1:16

Onesimo min iua iccondaidi Esus tantiaquid yanacsho mimbi cun utsi caidquio aidi nendac. Adquid icsho umbi tantiaidquio neque. Mimbitsen tantiaquiota. Mibi yacno nidshun Esuquidistu tantiaquid icquin mimbi chiacpadombuen chieshenquio icquin bëdambuen mibi nashunendac.

Ebedeo 6:2

Adembidi Esus tantiabenacsho acten mentometa, quequin chiaid chuiquinc. Adembidi Esus tantiaquid nec, queshun ma Nuquin Papan aton Mayan Bëda menenu, quequin mëdanten mamishaid icta, quequin chiaid chuiquinc. Adembidi abi tantiaquid uënësacsho uincuenmete iquendac, quequin chiaid chuiquinc. Adembidi abi tantiesa icsho ënenquio icquin cuidtequid iquendac, quequin chiaid chuiquinc caidtedi mibi chuibampanëdash.

Petedo 2 3:15

Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash.