Hechos 9:15 - El Nuevo Testamento en matsés

¹⁵ Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Hechos 9:15 ပူးပေါင်းရင်းမြစ်များ

Mateo 10:18

Utsibombic adembidi cuesmenuen chuiquid tapa cobednadod yacno mibitedi buanendac. Adembidi chuiquid tapa utsi yacnotsen mibi buanendac. Ubi chuibanquidon chuiquid tapabëta isadaidpembo ma umbi naid chuibannu, ubi quenuc mibitedi aden buanendac.

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 21:19

Adec aidtedi icsho issun: Mibi isec chobi, quetanquin: Umbi Esuquidistu chuibannubi Nuquin Papan tantiamiac isadaidpembo dadpen Esus tantiaquido yanosh, quequin Pabadon dadpen chuibampondash.

Hechos 22:14

Adsho isash Ananias: Nuquin tsusedpabon Papa campid Nuquin Papan ambi tantiacpaden: Naden nata, quequin chuiquin mibi tantiamendac. Adembidi ambi Chomiaid Esus Nuquin Papan: Naden nac bëdambo ictsiash, quequin naquidquio mibi ismendac. Aidën chuisho mimbi tantiendac.

Hechos 22:21

Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 25:22

Adoaquien Aquidipa: Umbitsen aidën chuibansho tantiate bunebi, quesho tantiash Uesto: Badiadshun aidëmbi chuisho tantianuna, quepanëdash.

Hechos 26:1

Aden Ueston chiaquien: Mibibi onquequin mimbi naid chui. Tantianu, quepanëdash Aquidipa Pabado caic. Adoaquien aton mëdante cadoec Pabado nadpanëdash:

Hechos 26:32

Aden chiashic: Empedadod chuite bunebi, quiambocsho quënën tsadunacnoshon aidi mimbi chicquin puduenmetsenoc, quepanëdash Aquidipa Uesto chiec.

Hechos 27:24

Doma yacnocquidon chuiquid tapambo empedadod caid bëisquin mimbi chiendac. Mibi ambo nidmequin cano dapan mibëd nidquidotedi Nuquin Papan acte yacnoshon uënësmenquio iqueque. Dacuëdenda, Pabado, quequin chuiposhi Nuquin Papabëd icquidën.

Hechos 28:17

Adec Doma yacno choash daëdec ushec tabadshun: Isadaidbon chuiquido chuinu. Chome, capondambi. Adoac chomiacsho issun Pabadon naden chuipondash: Tantia. Chuinu, cun matsesën chuiquido. Nuquin matses icsambuen chuishunambo iccombi. Adembidi nuquin tsusedpabon: Naden nata, quequin chiaid niacambo iccombi. Aden nainquio icshobi Edusaden yacnoshon nuquin matsesën bedshun Doma yacnoquidon chuiquid menequin buanmiondashi.

Hechos 28:28

Aden chiampicpadquid mibitedi icnuc Nuquin Papa yacno tabadmianquid iquec, quequin isadaidpembo chuibennendac. Adoac aidon tantiabenendac, quepondash Pabado.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Doma 11:13

Tantia, matses utsibo. Mibitedi chuinu. Nuquin Papan mibi yacno nidmiac Esusën naid chuibennec bëdambo iquebi. Nëid umbi chuibanaid bëdamboshëcquid nec.

Codinto 1 15:10

Adec ubi icshobi Nuquin Papa bëdambocquid icquin Esus tantiaquid yanmeshun abi bunacpadombuen bëdambuen isquin ubi ambembi nabanmenquio iccoshi. Adenquio icquin Esusën: Ubi chuibenneta, caid utsibon abitedi chuibennenquiocnobi umbimbo cumapenec chonoadquin chuibenniombi. Aden umbi tantiacpaden nainquiocquin Nuquin Papa bëdambocquid icquin nashunac dayacquiocquin chuibenniombi.

Codinto 1 9:16

Ubiuidtsëqui bëdambocquid nebi, quenquio icquin Esuquidistu chuibennequid nebi. Esuquidistun: Ubi chuibenneta, cac aidquio chuibennec nebi. Aden aid chuibennenquio yanash Nuquin Papan cuidtequid ictsiabi.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Timoteo 2 1:11

Aden tantiaquid icsho Nuquin Papan: Esus chuibennequid icta, capondashi. Adoac nidaid utsi utsiec yacno nidshun Nuquin Papabëta Esus chuibennequin tantiamebennequidquio nebi.

Timoteo 2 2:4

Sondadon: Mibi bëdambo iquec, camenuen aton chuiquid tapan chiacpadombuenuidi naquid. Ambibi tantiaid nainquiocquinc utsibon chiacpadombuen nainquiocquinc caquin aton chuiquid tapan chiacpadombuenuidi naquidquio sondado nec.

Esusën Uan ismiaid 17:14

Adoac Obecabimbuecquidbëd icquido nibëdquiocnoc cuessun secanu, quiash aidobëd cuesnancuededposh. Adec cuesnanquin Obecabimbuecquidën dëniacposh. Aido abi chieshënquidon: Chieshtomenu, caqui chieshtoenquiocquin Obecabimbuecquid tantiaquid icsho Nuquin Papan namiaido neposh. Obecabimbuecquid abitedishun Icbombo yec abitedishun chuiquid tapambo nendac, quetanquin dëniaquendac, queposh Nuquin Papabëd icquid.