Hechos 8:7 - El Nuevo Testamento en matsés

⁷ Aidëmbi nadatiambocquin nabanac podobitsi icsa dapuduedaid icsho dapuduenmiac sidquianec cuempanëdash. Adembidi dada daicsash shëquëquenquiocquidbëta tidinquequido Uedipen dadpen bëdanmebampanëdash.

Hechos 8:7 ပူးပေါင်းရင်းမြစ်များ

Mateo 10:1

Adshumbic Esusën abëd icquido 12tedi chomeshun naden chuipondash: Umbi namiaid icquin umbi nabocpadombuembidi podobitsi icsa matses dapuduedaid icsho mimbi cuenmendac. Adembidi daicsaidobëta nënquidotedi mimbi bëdanmendac, quequin ubitedi chuipondash.

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Madcos 9:26

Aden chiaquien podobitsi icsa cumapenec sidquequin madompi uebudmiac cuididiquenubi dapuduempanëdash. Adec dapuduenan uënësacbimbuec madompi uesho isash: Uënësosh, quecuededpanëdash isquido.

Ducas 10:17

Adnubien ambi 72ted icquido nidmebuedo Esusën chiacpaden nabenniash: Bëdambo iquebi, quec cuishonquec Esus yacno chochopanëdash. Adec chochoshon: Mimbi chiacpaden nabanquin: Esus nadatiambocquid tantiaquid nebique. Dapuduenta, umbi caidtedi podobitsi icsa dapuduemposh, Icbo, quecuededpanëdash Esus chuibanec.

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Hechos 5:16

Adembidi Edusaden yacno pauequidon daicsaidobëta nënquido bëbënubi mayan icsa dapuduedshun mëyanaido bëbëuapanëdash. Aden bëbëaidtedi bëdampanëdash.

Hechos 8:6

Aidën nadatiambocquin nabanquimbi Esus chuibansho iccuededquin ambocquidon bëdambuen tantiapanëdash.

Ebedeo 2:4

Aden chuibanaid abimbo iquec, camequin Nuquin Papan matsesën natiapimbo ictequid ismiantequid ismequimbi nadatiambocquin nabanquin nënquido bëdanmequin tantiamepanëdash. Adoshombic aton Mayan Bëda abi tantiaquido menequin abi bunacpaden ubitedi namepondash.