Hechos 8:5 - El Nuevo Testamento en matsés

⁵ Adembidi Esus tantiaquid utsibon: Niante nashunquin menequid icta, cabued Uedipe cuëmëdquidën shubu dadpen icquid Samadia caid yacno nidshun Esuquidistun naid chuibanuapanëdash.

Hechos 8:5 ပူးပေါင်းရင်းမြစ်များ

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Hechos 21:8

Adashic badiadash puduanec podquiedën nidec shubu dadpen icquid Sesadea yacno choash Uedipe Esus tantiaquido nashunquidën shubun puduedpondabi. Esusën: Ubi chuibenneta, caidon: Niante nashunquin menequid icta, cabued utsi 6tedbëd icbued Uedipe nepondash.

Hechos 5:42

Adshumbic badiadquidën badiadquidënquien Nuquin Papa tabadte shubu dapa tsicatiacnoshon puduedshun matses tantiamequin Chiaid Bëda naden chuibampanëdash: Nuquin Papan Chomiaidquio Quidistu quequin Mesias caid Esus nec, quepanëdash. Adec chiannec shubun shubunquiec puduedcuennequin adembidi chuibampanëdash.

Hechos 6:5

Adoaquien: Mimbi bëdambuen chioc, quepanëdash Esus tantiaquidotedi. Aidon chiacpadombuen nëidtedi niante nashunquid icmepanëdash. Nëidic Nuquin Papan Mayan Bëdan tantiamiaidquio icquin: Ambi chiacpadombuen Nuquin Papan naindac, quequin tantiaquidquio Esteban cuëmëdquid. Utsibic Uedipe. Utsibic Podocodo. Utsibic Nicanod. Utsibic Timon. Utsibic Padmenas. Utsibic isadaidpembo iquequi isadaidbo tanquid Antioquia yacnoshon tishaid Nicodas cuëmëdquid.

Hechos 8:1

Esteban cuënoten sesequin cuessunnenu, cac: Ai, adota, quiash ambobi isec Saudo tsadpanëdash. Esteban sesiaid uëshëmbi Edusaden yacnoshon Saudon Esus tantiaquid utsi utsien cumapenen mëyanmequin tauadopanëdash. Adosho isash Esus chuibennequido ambobi tabadpanëdash. Adnubien Esus tantiaquid utsibo uanno uannoec nidannec nidaid Udea yacno utsi utsiec nidanniash tabadnubi Samadia caid yacno nidanniash utsibo tabaduapanëdash.

Hechos 8:26

Adoshombic Samadia yacno Uedipe icsho abëd icquid Nuquin Papan budmiaidën nadopanëdash: Nëuëshquio puduanec nidec Edusaden datambidanec acte dapa mad yacno shubu dadpen icquid Casa caid yacmi shubu nibëdacno podquied nidquidën nidtan.

Hechos 8:30

Uedipe titiquianec aid anoentsëc nidshun Etiopia yacnouësh choquid Isayasën dada uampid isquin chiec onquesho tantiashun: ¿Ada mimbi isbanaid tantie? capanëdash Uedipen.

Hechos 8:40

Adnubien Nuquin Papan Mayan Bëdan buanac Uedipe nidaid utsi Asoto caid yacnouësh isadcuempanëdash. Ambo capucuennequin shubu dadpen icquid yacno yacnombuen Chiaid Bëda Esus abided uënësaid chuibanequi shubu dadpen icquid Sesadea yacno chopanëdash.

Hechos 8:6

Aidën nadatiambocquin nabanquimbi Esus chuibansho iccuededquin ambocquidon bëdambuen tantiapanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.

Codinto 1 2:2

Mibëd tabadquin utsi chienquio icquin: Esuquidistu cueste napotiaidën dectanac uënëspanëdash, quequin aiduidtsëqui mibitedi chuibanondambi.

Codinto 1 3:11

Umbi buintad tabëcaid icnubi utsi nitsintiapimbo yacbimbuen umbia Esuquidistu chuibanan utsibon utsi uaquin chuibantiapimbo iquec.