Hechos 8:37 - El Nuevo Testamento en matsés

³⁷ Adoaquien Uedipe: Esus tantiaquidquio nebi, quesho mibi acten mentoembi, capanëdash. Adoac: Ai, nëbi Nuquin Papan Madombo Esuquidistu nec, quequin tantiembi, queshun Etiopia yacnouësh choquidën:

Hechos 8:37 ပူးပေါင်းရင်းမြစ်များ

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 28:19

Nidaid utsi utsiec yacno nidshun ubi tantiaquido icmenuen matses abitedi Umbi Chiaid chuibenneta. Adoac ubi tantiabensho acten mentoquin: Nëid Esus tantiabenshun Nuquin Papatsen tantiaquid nec. Nëidbëd Aton Mayan Bëda tabadec, quequin utsibo ismequin acten mentobanta.

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Uanën dada uaid 11:27

Adoaquien Madta: Ai, Icbo, adembi tantiembi. Nuquin Papan Chomiaid Quidistu Mesias caid yec aidën Madombo mibi nec. Nidaidën choec, quequin cun tsusedpabon dada uaquin chiampidquio nec, mibi caombi, quepondash.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 6:68

Simon Petedon: Padenquio, Icbo. ¿Tsudabëd icnundambi mibi niannuc? Mibi padquid utsi nibëdec. Mimbiuidtsëquien: Ubi tantiaquid bëdambuen isquin uënësacsho uincuenmeshun ënëdenquio yec ubëd tabadmendambi, quequin mimbi chuipoc.

Uanën dada uaid 9:35

Adnubien: Mimbi bëdanmebued cuenmiac caosh, quesho tantiashun Esusën ambi bëdanmebued istuidpondash. Istuidshumbic: Matsesën Tishaid yec Nuquin Papan Chomiaid nec ¿quequinda tantie? capondash Esusën ambi bëdanmebued chuiquin.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 8:12

Adnubien Uedipen: Nuquin Papan namiacno puduedmianquid Esus nec, quequin Chiaid Bëda chuibansho tantiash Esus tantiaquid dadpen dadabëdi chidobo yampanëdash. Adsho issun aidotedi acten mentobampanëdash.

Hechos 8:21

Nuquin Papa tantiesa icquin icsambuen tantiaquin umbi nacpadombuen natiapimbo mimbi iquendac.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Hechos 8:38

Nidtuidme, cac nidaid cano nidmequidën cabachu nidtuidmian acte nantan budshun Etiopia yacnouësh choquid Uedipen acten mentopanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Doma 10:10

Nuquin Papa tantiembi, quequin bëdambuen tantiasho icsaisabimbuecnuc bëdambuen isendac. Adembidi: Esus Cun Icbo nec, quequin tantiaquin chuisho abi yacno tabadmendac.

Codinto 1 12:3

Adquid iccondaidi nëbi Esus tantiaquido mibitedi icsho chuinu. Nuquin Papan Mayanën tantiamiacmaido yec: Esus icsamboshëcquid nec, quendac. Padnuen Nuquin Papan Mayan Bëdan nadatiambocquin tantiamiaido yec: Esus Cun Icbombo nec, quendac.

Petedo 1 3:21

Aid acte cubudnëdaid tantiaquin acten mentomete nec, quequin nuqui tantiec. Nëbi nuqui bëdambuen isquin mënchicaido icquin acten mentomec. ¿Nuquin dadan icquid bëchish ucquinda nuqui acten mentomedi? Padenquio. Nuquitedi acten mentomec Nuquin Papa naden chuiquin: Umbi icsambuen nabanaidtedi bëchish ucacbimbuen mibi tantiembique. Ubi bëdambuen ista, quequin acten mentomec. Aden abi tantiasho Nuquin Papan uincuenmenëdaid icquin Esuquidistun nuqui cuidmenquio iquec.

Uan 1 4:15

Esuquidistu Nuquin Papan Madombo nec, quequin tantiaquidbëd abentsëc yacbimbuec Nuquin Papa iquec. Adecbidi aidbëd abentsëc yacbimbuec abi tantiaquid iquec.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Uan 1 5:10

Nuquin Papan Madombo Esus nec, quequin tantiaquin: Nuquin Papa abimbo chuibanquid nec, quequin nuqui tantiec. Padnuen Nuquin Papa tantiesan: Cun madombo nec, quequin abimbo chiaid chiesa yec muaquidquio Nuquin Papa nec, quequin muaquin chuiquid nec.

Uan 1 5:5

Esuquidistu Nuquin Papan Madombo nec, quequin tantiaquidënquio Esus tantiesabon: Icsambuen namenu, caqui icsambuen nainquiocquin dëniactednendac.