Hechos 8:23 - El Nuevo Testamento en matsés

²³ Mayan icsa Satanasën namiaid icquin umbi naid natiapimbo yec cumapenec chieshec nëishshun mimbi icsambuen chuisho tantiembi, capanëdash Petedon.

Hechos 8:23 ပူးပေါင်းရင်းမြစ်များ

Uanën dada uaid 8:34

Adoaquien Esusën: Tantia. Mibi abimbo chuinu. Abi iuaquidën uidënuac nidtiapimbo yacbimbuen icsambuen naquidën ambembi ambi icsambuen naid ëntiapimbo iquec.

Epeso 4:31

Chieshëmënec tabadenda. Uënësquio yec tabadenda. Utsi chieshënquin icsambuen chuishunenda. Cumapenec nëishbuedi bëdanta. Utsi cuestiadquio yec chieshbuedi bëdanta. Utsi chushcabuedi ënta. Utsi icsambuen chuishunquin ënta. Icsambuen tantiaquin nabanaidtedi ënta.

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Petedo 2 2:19

Adquido icquin: Nuqui bunaiduidi nanuna. Adec nuqui bëdambo ictsiac, quequin chuibanendac. Adoac iuabimbuen ambi icsambuen naid ambembi ëntiapimbo yec icsamboshëcquido iquendac.

Petedo 2 2:4

Ëndenquimboshë nidaid uabi icnuc Nuquin Papabëd icquidon utsin utsinquien: Umbiquien abitedi namenu, quequin abi dëniacte bunsho issun Nuquin Papan inchëshquio yacno nidmeshun uidënuaquin bëtashpampic. Iuecshun abitedi cuidte uëshën chian annëdënquiacno nësecanumbi nabono, queshun adopampic.