Hechos 8:1 - El Nuevo Testamento en matsés

¹ Esteban cuënoten sesequin cuessunnenu, cac: Ai, adota, quiash ambobi isec Saudo tsadpanëdash. Esteban sesiaid uëshëmbi Edusaden yacnoshon Saudon Esus tantiaquid utsi utsien cumapenen mëyanmequin tauadopanëdash. Adosho isash Esus chuibennequido ambobi tabadpanëdash. Adnubien Esus tantiaquid utsibo uanno uannoec nidannec nidaid Udea yacno utsi utsiec nidanniash tabadnubi Samadia caid yacno nidanniash utsibo tabaduapanëdash.

Hechos 8:1 ပူးပေါင်းရင်းမြစ်များ

Mateo 22:6

Utsibombic abi: Pec cho, cashobi iuabo bedshun mëyanquioquin cuessun secaposh.

Mateo 23:34

Icsaquido dadpen icsho issun: Ma Nuquin Papan bëdambuen iste tantiamenu, queshun Nuquin Papan oncamiaido yec bëdambuen tantiaquido yec chuibanquin tantiamequido yec quenuc mibi yacno nidannemendambi. Adquid mibi yacno chochoacsho mibitedishun dadpen cuessun secaindac. Utsi utsien cueste napotiaidën dectanquimbi utsi utsien Nuquin Papan Chiaid chuibante shubunoshon cueshcanten mimbi cacuesendac. Utsi utsien cuessunnenu, quequin nadancactannequin shubu dadpen icquid utsi utsiec yacno yacnombuen mimbi cuenmetannendac.

Mateo 5:13

Adshumbic abi macuësh tapa poctse tsadquin Esusën naden chuibampanëdash: Ma utsibontsen Nuquin Papa tantianu, quiash mibitedi sa casecac pambid bëdambo icsho petiadquio yacbimbuec bëdambuec tabadta. Sa bëdambocquid bëdambo iquec. Sa bëdambo icbuedi icsacsho ¿Mitsipaden bëdambo icmeuapec? Adotiapimbo iquec. Sa icsambo yanacsho umanuc secacsho matsesën mannetequid nec, quepanëdash Esus.

Uanën dada uaid 15:20

Iuan aton icbo dëniactiapimbo icquid, quequin umbi chuibued tantiata. Aden umbi Chiaid icnuc ubi chieshëmbocpadombuembidi mibitsen chieshënuaindac. Adembidi umbi chiacpadombuen naquidën mimbi chiacpadombuentsen naindac.

Uanën dada uaid 16:2

Mibi chieshënquidon: Nuquin Papan Chiaid chuibante shubun puduedenda, quequin shubu dadpen icquid utsi utsiec yacnoshon mibi cuenmendac. Adombuembidi mibi chieshënquin utsi utsien cuessun secash: Nuquin Papa nashunquin Esus tantiaquido cuessun secaombi, quependac.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Hechos 13:1

Adashic: Esuquidistu tantiaquid utsi utsiec Nuquin Papan oncamiaidobëd chuibanquin tantiamequido Antioquia yacno nëidtedi tabadpanëdash. Nëidic Bednabe. Utsibic Simon cashumbic Dada Chëshë quequin cuënaid. Utsibic Sidene yacnocquid Dusio. Utsibic nidaid Cadidea yacnocquidon chuiquid tapa Edodes Antipasbëta caniuaid Menain cuëmëdquid. Utsibic Saudo.

Hechos 13:36

Dabid Nuquin Papa bunacpadombuen naimbudquin aton matses nashunash uënësacsho issun aton mëdimbo chocoquiacno Dabid chococac aidën namitsen chodquepampic, quequin nuqui tantiec.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 22:20

Adembidi mimbi namiac chuibanquid icsho Esteban utsibon cuënoten sesenubi sesequidon dashcute chicshun sanaid dayunuaic tsadquimbi: Aden uënës ua, capondambi.

Hechos 26:10

Aden tantiashun Edusaden yacnoshon adquid dadpen mëyanmepondambi. Nëish iua pichicaquidon chuiquidon: Adota, cac umbibi Esus tantiaquid bëdambocquid icshobi bedshun quënën nauedmebampondambi. Cuessunnenu, quesho tantiash, Ai, cuessunnetiadquio iqueque. Adota, quepondabi.

Hechos 5:18

Adec nëishcuededshun Esus chuibennequido bedmeshun quënën tsadunmepanëdash.

Hechos 5:20

Mibi puduenmiombique. Nuquin Papa tabadte shubu dapa tsicatiaidën puduedshun ambo tabadquido Nuquin Papabëd tabadte chuibanuata, cac nidannepanëdash.

Hechos 5:33

Aden Petedon chuisho tantiash chuiquid tapabo nëishquiec: Icsamboshë iquec, quiash Esus chuibennequido cuessunnete bumpanëdash.

Hechos 5:40

Buambuedo bedtan, cac bëacsho cueshcanten cacuesmepanëdash. Aden cacuesmetanquin: Esus chuibanuainda, quequin chuitanquin puduenmepanëdash.

Hechos 7:38

Isadaidbo bëyucanquin buanquid Moises shubu nibëdacno isadaidbobëd macuësh tapa Sinai caid yacno nidash tabadpampic. Ashunquio Nuquin Papan namiac abëd icquidën: Naden nata, quequin dada uaid Moises menepampic. Aden nuquitsen tantiamenuen aden menepampic.

Hechos 7:54

Adec Esteban onquesho tantiash isadaidbon chuiquido shëta chëquëdëshquequiec nëishquioshon chieshënquin chushcapanëdash.

Hechos 7:58

cuënoten sesenuen shubu nibëdacno uanno buampanëdash. Aden Esteban mua uaquin chuishumbuedon aton dashcute cania Saudo cuëmëdquidën taëno sampanëdash Esteban sesenuen.

Hechos 8:14

Adnubien Edusaden yacnoshon: Samadia yacnocquidon Esus tantiabenac caosh, quesho tantiashun Esus chuibennequidon Petedobëta Uan Samadia yacno nidmepanëdash.

Hechos 8:2

Adec nidanniambic Nuquin Icbo tantiaquidombo Esteban chococash iuec cumapenec sedenquec shubicuededpanëdash.

Hechos 8:4

Aden Saudon Esus tantiaquido mëyambanosh, quesho tantiash Edusaden yacnouësh cuenec shubu dadpen icquid utsi utsiec yacno nidanneshun Esus tantiaquidon: Esus tantiash Nuquin Papabëd tabadte iquec, quequin Chiaid Bëda Esusën naid chuibennepanëdash.

Hechos 8:5

Adembidi Esus tantiaquid utsibon: Niante nashunquin menequid icta, cabued Uedipe cuëmëdquidën shubu dadpen icquid Samadia caid yacno nidshun Esuquidistun naid chuibanuapanëdash.

Hechos 9:31

Aden Saudo nidmian Esus tantiaquido nidaid Udea yacnocquido yec nidaid Cadidea caid yacnocquido yec nidaid Samadia caid yacnocquido yec quec dacuëdenquio yec tabadpanëdash. Adec tabadec: Nuquin Papan Chiaid tantiabennu, quesho Nuquin Papan Mayan Bëdan tantiamiac bëdambuec tabadpanëdash. Adec tabadquin Esus chuibansho tantiash tantiesa icbuedi Esus tantiaquid dadpenquio yampanëdash.

Doma 1:32

Aidotedi ambi icsambuen naid ëntiapimbo icquido uënësacsho ënenquio icquin cuidacno nësecaindac, quequin Nuquin Papan Chiampid tantiequi ënëdenquio yec icsaded icsadedquiec. Utsibontsen icsambuen nasho isash cuishonquec: Bëdambo iquec, quepec.

Pidipos 1:12

Tantia, cun utsibo, mibitedi chuinu. Natiamiac umbi chuibennetiapimbo icnubi utsibon Esusën naid chuibenniac utsin utsinquien tantiabenaccaosh, quiash bëdambo iquebi.

Ebedeo 11:27

Adembidi Nuquin Papa tantiaquidquio yec: Cun matses buanec nidnu, quianec Equipito yacnouësh puduanec nidsho isash chuiquid tapan nëishshun cuessunnetsiashi, quequin dacuëdënenquio yec Nuquin Papa isadenquiocquidi isbanacbimbuen aton matses buanec Moises nidpampic.