Hechos 7:60 - El Nuevo Testamento en matsés

⁶⁰ dannëshën sebudash cumapenec cuëdec: Ubi sesequin icsambuen naid tantienquio yec bëshunta, Icbo, quepanëdash. Aden chianec Esteban uënëspanëdash.

Hechos 7:60 ပူးပေါင်းရင်းမြစ်များ

Mateo 27:52

Adnuc uënësaid nauedaid shëcuë bëtashaid shëcniadnuc Nuquin Papa tantiaquido ënden uënësaido dadpen uincuempanëdash.

Mateo 5:44

Aden chiaid icnubi utsi mibitedi chuinu. Tantia. Mibi chieshënquidobi bëdambuen tantiaquin nashumbanta. Chieshënaqui: Ubi chieshënquid bëdambuen ista, Papa, quequin Nuquin Papa chianneta.

Ducas 22:41

Aden chianec abiuidtsëqui udictsëc nidash dannëshën nidaid sebudash tsadquin naden Esusën Nuquin Papa chuipanëdash:

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Ducas 6:28

Adembidi mibi icsambuen chuishunquid bëdambuen chuita. Adembidi: Ubi icsambuen chuishunquido bëdambuen ista, papa, quequin Nuquin Papa chianneta.

Uanën dada uaid 11:11

Adshumbic Esusën padpiden naden chuiuapondash: Umbi cun utsibimbuecquid nec, cabued Dasado ushtoshe. Isucunmec nidnunid, quepondash

Hechos 13:36

Dabid Nuquin Papa bunacpadombuen naimbudquin aton matses nashunash uënësacsho issun aton mëdimbo chocoquiacno Dabid chococac aidën namitsen chodquepampic, quequin nuqui tantiec.

Hechos 20:36

Aden chuibanashic Pabado Nuquin Papa chiec aidobëd danëshën sebudcuededash onquecuededpondash.

Hechos 21:5

Aden chuiboc 6ted ushtanec: Nidnunid, quepondash Pabado. Adec: Nidnu, quesho tantiash Esus tantiaquido dada yec chido yec bacuëbo yec quec Pabadobëd ubitedi acte cuëman chochoash dannëshën tinquebudcuededshun Nuquin Papa chiec onquecuededpondabi.

Hechos 9:40

Adosho issun abitedi puduen puduenmiash dannëshën sebudash Nuquin Papa chiec onquetanec nidtoshon uënësbued isquin: Nidto, Tabita, Petedon cac uincuenquin Petedo isequi badedi uëtsëdtopanëdash.

Codinto 1 11:30

Adquid icnuc mibitedi utsi utsiec uidëmpentsëcquio iquec. Utsi utsiec nënec daicsabudnubi utsi utsiec uënësac.

Codinto 1 15:18

Adec bëshunambo icnuc Esuquidistu tantiaquido ënden uënësnëdaido cuidac Nuquin Papa yacno puduedtiapimbo ictsempanëdash.

Codinto 1 15:20

Esuquidistu Nuquin Papan abia uincuenmepanëdash, quequin umbi chiaid ma abimbo iqueyoc. Aidba uincuenmeshun ambi tantiacpaden abi tantiaquidotsen abitedimbo uincuenmendac, quequin abimbo chiec nebi.

Codinto 1 15:51

Nuquin Papan ambi matses tantiamenquio icpampidi mibi chuinu. Tantia. Esus tantiaquid abitedi uënësenquio iquendac. Adec uënësenquio yec nuquitedi abi tantiaquido icsho dada chuca uaquin uënësesa Nuquin Papan icmendac.

Codinto 1 15:6

Adshumbic abi tantiaquido dadpen 500ted udictsëc iccuededacno choquin: Uincuenobi, quequin Esuquidistun ismeuapanëdash. Aid uincuenacsho isnëdaido dadpen abi tabadnubi utsi utsiec uënësbudniac.

Tesadonica 1 5:10

Aidi nuquitedi cuidmenquio icnuec abided cuidadec uënëspanëdash. Aidëmbidi abi tantiaquidotedi beduanshun abëdi tabadmendac. Uënësaid uincuenmiaidobëta uënësabi icquidotedi adoendac.

Timoteo 2 4:16

Tauambuen bedshun: Quënën tsadunmenu, cac cuidte chuiquid tapa Doma yanocquid umbi naid umbentsëqui chuibampondambi. ¿Atotsi icsambuen nasho issun ubi bedo? Icsambuen nambo iccombi, capondambi. Ubëd icquido umbi nabanaid abimbo chuinuec choambo icpondash. Aid tantiaquin: Nuquin Papan aido cuidenquio icpashun, caimbi.

Petedo 2 3:4

Naden chiendac: Esuquidistu choec, caondaidi ¿atotsi quiash padpidec nidaidën chouainquio icpec? Ma choec, quedennedi cun mëdimbo abitedi uënësbudnepondac. Nuquin Papan abitedimbo uapampicnouësh bedanequi nidaidën tabadquido icbocpadquiobi ma icpayoc.