Hechos 7:35 - El Nuevo Testamento en matsés

³⁵ Aden cutempi nëdënquequid nënantanuësh isadcuembued Nuquin Papabëd icquidën: Isadaidbo bëyucanquin buanquid nec, quequin tantienquio icquin aton matsesën: ¿Umbi nasho cuidte chuiquid tsuntsin mibi icmioshe? Chui. Tantianu, abi caondaidobi bëyucanquin buanquid Moises Nuquin Papan icmepampic.

Hechos 7:35 ပူးပေါင်းရင်းမြစ်များ

Madcos 12:26

Adembidi uënësash uincuente ma tantianu, queshun ¿Moisesën dada uampid isquin tantiamboda ictio? Aidën cutempi abibi nëdënquedosho istanec nidtuidnubien nadec Nuquin Papa onquiampampic: Min tsusedpa Abadauanën Papa caid yec Isaquën Papa caid yec Acobon Papa caid yec quequid nebi, quequin Nuquin Papan chuisho tantiapampic.

Ducas 19:14

Adec aid nidambic abi yacnocquidon aid chieshënquin nadoposh: Aidi ubitedishun chuiquid icmenushe, queshun chuiquid tapabo yacno nidshun: Aid ubitedishun chuiquid icmenda, quequin chuitan, queshun abëd icquido nidmeposh.

Uanën dada uaid 18:40

Padpidembuec cumapenec cuëdcuededec: Padenquio. Esus chiquenquiocquin Badabas cuëmëdquid chicquin puduenmeta, quecuededpanëdash. Matses cuessunnequin ampequid yec Badabas icsambocquid icsho quënën tsadunaid icnuc adcuededpanëdash.

Uanën dada uaid 19:15

Adoaquien aidon: Cueste napotiaidën dectanquin uënës uame. Nëbimbobi buanshun cueste napotiaidën dectanquin uënës uame, quec cuëdcuededpanëdash. Adoaquien Pidaton: ¿Min chuiquid tapadambi cueste napotiaidën dectanquin uënës uamepe? caquien Nuquin Papa ismequin nëish iua cuessunneshun pichicaquidon chuiquidon: Min chuiquid Sesad caiduidtsëqui cun chuiquid tapa caimbi, cabededpanëdash.

Hechos 2:36

Tantia. Cun matses isadaidbo. Dabidën chiampid Esus mibitedishun cueste napotiaidën dectanquin uënës uaid Nuquin Papan Chomiaid Mesias caid yec Nuquin Papan icmiacpadec abitedishun Icbombo nec, quequin abimbo chiec nebique. Esus tantiata, quepanëdash Petedo.

Hechos 3:22

Adembidi nuquin tsusedpabo Moisesën naden chuipampic: Ambi oncamiaid ubipadquid utsi iuecshun Nuquin Papan chomendac. Aidi isadaidbo nendac. Aid choshon chuibansho tantiashun aidën chiactedi bëdambuen nabanta.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Hechos 7:30

Adashic abi onquec: Adec seta dadpen 40tedbidi matanmec nidaid Madian caidën tabadec cute nibëdec masiuidpambo yacno macuësh tapa Sinai caid anoentsëqui Moises chopampic. Ambo choquimbi cutempi nëdënquesho isquimbi aid nënantanquio Nuquin Papabëd icquid isadcuensho Moisesën ispampic.

Hechos 7:51

Pabiate shëcuë nibëdacbimbuen Nuquin Papan Chiaid tantiashumbi mimbi icsambuen naid ënesa mibitedi nec. Aton Mayan Bëdan: Tantiamenu, caqui tsusedpabotedishun tantienquio icpampicpadembi mibitedishun tantienquio icuaic.

Codosas 1:15

Nuquin Papa isadesambo icnubi abipadquidquiobidi yec Aton Mado matsesacsho Esuquidistu matsesën ispanëdash. Abitedi uabi yequi Esuquidistu abitedimbo namequid icnush aton Papabëd icpampic.

Ebedeo 2:2

Ëndenquimboshë Nuquin Papan: Naden nata, quequin chuibanampid ambi abi yacnocquid abëd icquido chuimiacpadombuen chiac matsesën nainquio icsho issun Nuquin Papan cuidpampic. Aden ëndenquimboshë Ambi Chiaid niacquido cuidpampic.

Esusën Uan ismiaid 15:3

Moises Nuquin Papan namiaid yec cuëdënampicpadec cuëdënquin Obecabimbuecquid tantiaquin naden chiec cuëdëncuededposh: Mibi nadatiambocquin nabanquidquio nec. Abitedimbo uaquidquio yec abitedishun Icbombo mibi nec. Matsesën naid abitedi tantiaquin abimbo chuiquin bëdambuec tabadmetiadquio mibi nec. Nidaid utsi utsiec yacno tabadquidon Chuiquid Tapambo mibi nec.