Hechos 6:7 - El Nuevo Testamento en matsés

⁷ Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Hechos 6:7 ပူးပေါင်းရင်းမြစ်များ

Mateo 19:30

Adshumbic: Utsitsen mibitedi chuinu. Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepondash Esus.

Ducas 2:34

Aden chuishumbic Madia chiec Simeon: Tantia. Chuinu. Nuquin Papan bëdambo icmiaid mibi nec. Min mado tantiesa isadaidbo utsi utsiec icsho Nuquin Papan cuidendac. Min mado tantiaquid utsi utsiec icsho Nuquin Papan abi yacno iuedendac. Min mado Nuquin Papa yacno puduedmianquid nec, quesho tantiashun matses dadpenshun icsambuen chuishunquin chieshënendac.

Uanën dada uaid 12:42

Cun matses dadpenshun Esus tantiabennubi adembidi cun matses isadaidbon chuiquido utsin utsinquien Esus tantiabempanëdash. Adbuedi: Nuquin Papan Chiaid chuibante shubun puduedacsho padiseobon cuenmenushe, quiash dacuëdquin: Esus tantiaquid nebi, quequin chuitiadquidi utsibo chienquio icpanëdash.

Hechos 12:24

Adnubien Esus chuibennequidon nidaid utsi utsiec yacno nidanneshun Nuquin Papan Chiaid chuiban chuibanac Esus tantiaquid utsi utsiec dadpen yampanëdash.

Hechos 13:8

Adoac choshon aidon Esus chuibampanëdash. Aden Saudon chuibansho tantiec chuiquid tapa tsadsho issun nënëchoquid Badesusën tantiamenquiocnuen utsi uain chuiuapanëdash. Aidi quidiecon onqueten Edimas cuëmpanëdash.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Hechos 19:20

Adec Esus tantiaquid yansho issun Esus tantiaquid utsibon shubu dadpen icquid utsi utsiec yacno nidshun dacuëdenquio icquin Esusën naid chuibenniac utsi dadpen Esus tantiaquid yampanëdash.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 21:20

Aden chuisho tantiash: Nuquin Papan namiaid bëdambo iquec, quetanquin naden Pabado chuipondash: Nëmbo Esus tantiaquid isadaidbo dadpenquio iquec. Aido Nuquin Papan Moises dada uamiampid: Naden nata, quequin chiaid naban, quequin chuiquido nec.

Hechos 6:1

Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Doma 16:26

Aid chuiquin Nuquin Papa uënësesambo icquin ambi oncamiaido utsi utsien Esus chote dada uamepampic. Nëbi Esusën naid chuisho tantiaquin ma nidaid utsi utsiec yacno tabadquidon Esus tantiaquin aidën chiacpadombuen nanu, queshun Nuquin Papan Esusën naid chuibennequido icmiac.

Cadasia 1:23

Aidon: Nuquipadquid Esus tantiaquido cuessun secamiondaidëmbi Esusën naid Chiaid Bëda chuibenniosh, quequin umbi naid chuishouidi tantiapanëdash.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Codosas 1:6

Aden Chiaid Bëda chuibanquid mibi yacno nidshun chuibanac mibitedishun: Abimbo caic, queshun tantiabempanëdac. Mibitedi chuibanacpadombuembidi matses utsi utsiec yacno chuibenniac adembidi dadpenshun: Abimbo caic, queshun Esuquidistu Nuquin Papa bëdambuen ismequid tantiabempanëdash.

Tesadonica 2 1:8

Icsambuen naisambo yec matses cuidquidquio nebi, quec choshon Nuquin Papa tantiesabo cuidendac. Nuquin Icbo Esus tantiasho Nuquin Papan mibi bëdambuen istsiash, quequin chuibanac aid tantiesabotsen Esusën cuidendac.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.

Ebedeo 11:8

Adembidi abi tantiaquidquio icsho Abadauan chiec: Nidaid utsi mibi menembique. Nidtan, Nuquin Papan cac ambi isacmanombo Abadauan nidpampic.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Udas 1:20

Cun utsibo, umbi tantiaidombo mibitedi neque. Chieshtoenquio icquin Esus tantiaquiota. Adquid icquin aton Mayan Bëdan tantiamiacpadombuen Nuquin Papa chianneta.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.