Hechos 6:4 - El Nuevo Testamento en matsés

⁴ Aidtedi niante nashunquid icnubi ubitedishun Nuquin Papa chiannendambi. Adembidi Nuquin Papan Chiaid chuibennendambi, quepanëdash Esus chuibennequido.

Hechos 6:4 ပူးပေါင်းရင်းမြစ်များ

Ducas 1:23

Adashic Nuquin Papa tabadte shubu dapa nuntanshun ambi nabantetedi nainash aton shubuno Sacadias niduapanëdash.

Hechos 1:14

Aidtedi Esusën: Ubi chuibenneta, caido quënë nuntan tabadnubi Esusën tita Madia yec Esus tantiaquid chido utsibo yec Esusën utsibo yec quec ambobidi iccuededtennequin: Nuquin Papa chuinuna, quequin chiannepanëdash.

Hechos 2:42

Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Codinto 1 9:16

Ubiuidtsëqui bëdambocquid nebi, quenquio icquin Esuquidistu chuibennequid nebi. Esuquidistun: Ubi chuibenneta, cac aidquio chuibennec nebi. Aden aid chuibennenquio yanash Nuquin Papan cuidtequid ictsiabi.

Pidipos 1:4

Aden mibitedi tantiaquin Nuquin Papa chiannec cuishonquebi.

Codosas 2:1

Aden chuibanshun nadentsen chuinu. Tantia. Mibitedi tantiaquin Mayan Icsa Satanasën icsambuen namenushe, queshun cumapenec chonoadquin Nuquin Papa chiannembi. Adembidi Daudisea yacnocquido tantiaquin Nuquin Papa chiannembi. Adembidi utsi utsiec yacno iccuededquido umbi isacmaidobi tantiaquin Nuquin Papa chiannembi.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Codosas 4:17

Adembidi Adquipo cuëmëdquid naden chuita. Nuquin Icbo Esuquidistun: Naden nata, caid icquin bëdambuen tantiaquin nabanta, quequin chuita.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.