Hechos 6:3 - El Nuevo Testamento en matsés

³ Niante chedo nashunquid icta, canuen dada 7ted nadquidquio istuidta. Nuquin Papan Mayan Bëdan tantiamiac bëdambuec tabadsho mimbi bëdambuen isaidquio istuidshun: Niante chedo nashunquin menequid icta, cata.

Hechos 6:3 ပူးပေါင်းရင်းမြစ်များ

Mateo 23:8

Mibitedi adenda. Utsibo: Mibiuidtsëqui bëdambo iquec, icbo, camenuec adenda. Min Icbo abentsëcquiobi nebique. Ubi abentsëqui cun Icbo cata. Cun iuabo yec cun utsibimbuecquido mibitedi neque. Bëdambuec isnanta.

Uanën dada uaid 21:23

Adec: Uënësenquio ictsiash, Esus quesho tantiash ubi caic: Esusën tantiaidquio yec Uan uënësenquio iquendac, quecuededpanëdash Esus tantiaquido. ¿Adenda Esusën chuidiondash? Ma adempenquio chiondac. Ubi Nuquin Papa yacnouësh choabi yacpadequi ma uënësenquio icnu, ubi quenuc uënësenquio ictsiash. Mimbi tantiatepenquio nec, quequimbien chuipondash.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 1:21

Aden chiampid tantiashic: Udas nibëdnuc: Esus chuibenneta, quequin abentsëc chuinuna. Nëid quënë nuntan nuquibëd capuquido dada dadpen iqueque. Esus chuibenneta, canun nadquid dada abentsëc chuinuna. Tantia.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 15:23

Isadaidpembo chuiquin Edusaden yacnoshon Esus tantiaquidon naden dada uapanëdash: Esus chuibennequido yec Esus tantiaquidon chuiquid tapabo yec min utsibo Esus tantiaquido yec quec Edusaden yacnocquido nebi. Mibi cun utsibo nec. Isadaidpembo Esus tantiaquido Antioquia yacno tabadquido yec nidaid Sidia yacno tabadquido yec nidaid utsi Sidisia yacno tabadquido yec quesho mibitedi tantiembi, quequin chuiquin dada uaombique. Isec onqueta.

Hechos 16:2

Timoteo bëdambocquid nec, quequin Disteda yacnocquid Esus tantiaquidobëtan Iconio yacnocquid Esus tantiaquidon Pabado chuipanëdash.

Hechos 2:4

Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.

Hechos 22:12

Ambobi dada Ananias cuëmëdquid icpanëdash. Aidi: Nuquin Papan: Naden nata, quequin Moises chuiquin dada uamiampid tantiaquin naquidquio icsho ambocquido isadaidbon bëdambuen isaidquio icpanëdash.

Hechos 28:14

Ambo choacsho istuidshun ambocquid Esus tantiaquidon Pabado abëd icquidobëta: 6tedec ushec ubëd tabadec cho, cac: Ai, quesho iuedpondashi. Aidted ushec Esus tantiaquidobëd tabadash auëshquio puduanec podquiedën nidequi shubu dadpenquio icquid Doma yacno ubitedi chopondabi.

Hechos 6:2

Adoaquien Esus tantiaquid abitedi abi yacno chochomiash Esus chuibennequido 12ted nadpanëdash: Niante chedo nashunnuen Nuquin Papan Chiaid chuibanquin ëntiapimbo iquebique.

Hechos 6:5

Adoaquien: Mimbi bëdambuen chioc, quepanëdash Esus tantiaquidotedi. Aidon chiacpadombuen nëidtedi niante nashunquid icmepanëdash. Nëidic Nuquin Papan Mayan Bëdan tantiamiaidquio icquin: Ambi chiacpadombuen Nuquin Papan naindac, quequin tantiaquidquio Esteban cuëmëdquid. Utsibic Uedipe. Utsibic Podocodo. Utsibic Nicanod. Utsibic Timon. Utsibic Padmenas. Utsibic isadaidpembo iquequi isadaidbo tanquid Antioquia yacnoshon tishaid Nicodas cuëmëdquid.

Hechos 6:6

Aidtedi istuidshun buanec Esus chuibennequido yacno choash puduedshun ismiac aid dada 7tedi mamishquin Nuquin Papa chiec: Nëidtedi niante bëdambuen nashunmeta Papa, quequin Esus chuibennequidon chuipanëdash.

Hechos 9:30

Adec Saudo cuessunnete bunsho tantiashun Sesadea caid yacnoba Esus tantiaquidon Saudo buanshun abi tishnëdacno Tadso caid yacno Saudouidtsëqui nidmepanëdash.

Codinto 1 12:8

Nuquin Papan Mayanën namiac bëdambuen tantiaquin chuibanquid utsi utsiec iquendac. Utsibobic Nuquin Papan Mayanën namiac ambi dadpenquio bëdambuen tantiaid chuibanquido iquendac.

Codinto 1 16:3

Mibi yacno ubitsen nidshun Esus tantiaquido mimbi: Nëidtedi nidec, quequin chiaido icsho Edusaden yacno nidmequin: Umbi nidmiaido bëdambuen ista, quequin chuiquin dada uaidbëta mimbi piucquid sambededaid: Ma buannu, queshun menendambi.

Epeso 5:18

Tantiadennuen acte paë uaid aquenda. Aid aquec padpidec icsambocquid yanuaindac. Icsambuen nate bunenquio icquin Nuquin Papan Mayan Bëdan tantiamiacpadombuen bëdambuen nabanta.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Santiaco 1:17

Nuquin Papa icsa nibëdquid yec bëdamboshëcquidquio icquin nuquitedi bëdambocquid menendac. Aidëmbi badiadën uëshëbëta inchëshën uëshë uatanquin uispatedi uapampic. Nuquin Papa utsi ictiapimbo icquid yec iuecash adquiouidi iquendac. Inchëshnuc abuc icquid chënquebuedi chënquenquio yanacbimbuecpenquio utsi ictiapimbo iquendac.

Uan 3 1:12

Demetedio caidien bëdambuen nabanquid nec, quequin utsibon abimbo chiec. Aidi Nuquin Papan chiacpadombuen nabanec tabadquidquio nec, quequin muainquiocquin utsibon bëdambuen chuinubi adembidi ubëd icquidobëtan Demetedio chiaid tantiash: Muequi nec, quenquio mibi iquec.