Hechos 6:11 - El Nuevo Testamento en matsés

¹¹ Onquequin ënmetiapimbocquin utsibo piucquid meniac naden aidon chuipanëdash: Estebanën nuquin tsusedpa Moisesën dada uampidbëta Nuquin Papa icsambuen chuishunsho tantiombi, quequin muaquimbi matses dadpen chuibampanëdash.

Hechos 6:11 ပူးပေါင်းရင်းမြစ်များ

Uanën dada uaid 1:17

Ëndenquimboshë Nuquin Papan: Naden nata, quequin Chiaid Moises dada uamepampic. Padnuen Esuquidistunuidtsëqui Nuquin Papan bëdambuen iste tantiamequin: Nadquio Nuquin Papa iquec, quequin matses abimbo tantiamepondash.

Uanën dada uaid 16:3

Aden Nuquin Papabëta ubi tantiesabon ubi tantiaquido chieshënquiendac.

Uanën dada uaid 9:29

Moisesien Nuquin Papan chuiquin namepampic, quequin tantiembi. ¿Tsuntsin chiac mibi bëdanmequidën napash? Ma mibi bëdanmequid ¿mitsiuëshquio chopash? Umbi tantiacmaidquio neyoc, quequin chushcapanëdash chuiquidon.

Hechos 15:21

Naden tantiaquin aden chiombi: Ënden shubu dadpen icquid yacnoshon yacnoshonquien Nuquin Papan Chiaid chuibante shubunshun Moisesën dada uampid chuibansho isadaidbon tantiadednepampic. Nëbi adombuembidi chonoadtemaid uëshën uëshënquien Moisesën dada uampid chuibansho tantiauapec, quepanëdash Santiaco iccuededquido chiec.

Hechos 18:6

Aden chiac: Aid tantiatiapi, quequin isadaidbon icsambuen chuishunac abi dasiuidaid dashcute bëntsecquid chicshun sequecaquin nidaid putu idmequin Pabadon: Mibitedi Esus chuibanombi. Aid tantiesa yec uënësash Nuquin Papa yacno puduedenquio mibitedi iquendac. Adquid Nuquin Papan cuidquin nësecatequid nendac. Nëbi padpiden mibi chienquio icquin isadaidpembo chuibanec nidebi, quequin chuipanëdash.

Hechos 21:28

Isadaidbotedishun tantiata. Nëid dada: Isadaidbon icsambuen naic, quequin: Nuquin Papan: Naden nata, quequin Moises chuiquin dada uamiampid icsambo icquid nec, caosh. Adembidi Nuquin Papa tabadte shubu dapa icsambo iquec, quequin chuiquid icquin Nuquin Papa tabadte shubu dapan puduedtemaid isadaidpembo iuedquin nëid shubu bëdamboshëcquid icsa uamebued neque. Bednu. Uidën uata, quec abimbo chiacbimbuec cuëdcuededpanëdash.

Hechos 25:3

Ubitedi bëdambo icmenuen ¿ada Pabado Edusaden yacno bëmeuatsia? quequin Uesto chuipanëdash. Podquiedën bësho ma cuessunnenu, quequin tantiaquin isadaidbon chuiquidon aden Uesto chuipanëdash.

Hechos 25:7

Aden bëmiac puduedsho isash cun matses isadaidbon chuiquido Edusaden yacnouësh chochobuedo Pabadon naid chiec abimbo chiacbimbuec muaic onquecuededpanëdash: Abimbo chiec. Nasho isombi, utsibo quetiapimbo icnuc.

Hechos 26:11

Nuquin Papan Chiaid chuibante shubu utsi utsiec yacno nidshun aido bedmeshun: Esus Nuquin Papan madopenquio nec, aido camenuen mëyanmepondambi. Adembidi nidaid utsi yacnoshontsen adquid istuidshun mëyanmeuapondambi.

Hechos 6:10

Adoaquien Esteban Nuquin Papan Mayan Bëdan bëdambuen tantiamiaid yec bëdambuec onquesho aidon ënmetiapimbo icpanëdash.

Hechos 6:12

Aden chiac chuiquido yec Moisesën dada uampid tantiamequido yec isadaidbo utsibotedi yec quec nëishcuededshun Esteban bedshun isadaidbon chuiquid tapabo iccuededacno buanshun iuedquin ismepanëdash.

Hechos 6:13

Ashunquio dada utsibo chiec: Muaquin chuita, cabuedon naden chuibededpanëdash: Nëid dadan Nuquin Papa tabadte shubu dapabëta Nuquin Papan Moises dada uamiampid ënenquio icquin muaquin icsambuen chuishunosh.

Doma 3:8

Aden icsambuen chiec nuqui nadtsiac. Nuquin Papa tantiamequid iquequi icsaquionona, nuqui quetsiac. ¿Adendambi chuibandio? Padenquio. Pabado: Nuquin Papa tantiamequid iquequi icsaquionona, quiosh, quequin mibi mua uaosh, quequin chuituidoshi. Ubi aden mua uaquin chuishunquido Nuquin Papan cuidtequidombo nendac.

Timoteo 1 1:13

Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.