Hechos 5:42 - El Nuevo Testamento en matsés

⁴² Adshumbic badiadquidën badiadquidënquien Nuquin Papa tabadte shubu dapa tsicatiacnoshon puduedshun matses tantiamequin Chiaid Bëda naden chuibampanëdash: Nuquin Papan Chomiaidquio Quidistu quequin Mesias caid Esus nec, quepanëdash. Adec chiannec shubun shubunquiec puduedcuennequin adembidi chuibampanëdash.

Hechos 5:42 ပူးပေါင်းရင်းမြစ်များ

Ducas 21:37

Aden chuishumbic badiadquidën badiadquidënquien Nuquin Papa tabadte shubu dapa daquënë uaidën puduedshun matses tantiamenuen Esusën chuibandednepanëdash. Adashic inchëshquidën inchëshquidënquiec macuësh Odibos caid yacno nidash tabadtednepanëdash.

Ducas 22:53

Mambi badiadquidën badiadquidënquien Nuquin Papa tabadte shubu dapa daquënë uaidën puduedtednequin matses tantiamequin chuibanshobi ma mimbi ubi bedmenquio icpaboc. Mimbi ubi bedte uëshë nëidquiobi nec. Mayan Icsa Satanasën tantiamiacpaden utsibo ismenquio icquin inchëshëmbi mimbi ubi bedec, quepanëdash Esus.

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 13:32

Adembidi aid isnëdaidbëtambi Esusën naid Chiaid Bëda mibitedi abimbo chuibanquin ubitedishun naique. Tantia. Chuinu. Nuquin Papan: Matses ubëd tabadmequid chomendambi, quequin nuquin tsusedpabo chuipampic.

Hechos 17:18

Aden chuibansho tantiash utsi utsiec epicudeobo: ¿Atotsibi cuishoncamepec? quequin chuinëdacpaden tantiaquido Pabadobëd onquepanëdash. Adembidi tantiash estoicobo: Ubi bunactedi dadpen mëmunquin nainquio iquembi, quequido Pabadobëd onqueuapanëdash. Aido Pabadon chuisho tantiate bunenquio yec: Abembi onquecuennequidien nechitec, quenubi utsi utsiec: Matses utsibon papa cain cuënaido chuibanec nepanui, quepanëdash. Pabadon Chiaid Bëda chuibanquin Esus uënësash uincuenaid chuibansho tantiash adpanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 20:20

Chuibanenquio iquembi, quenquio icquin mibitedi Esus bëdambuen tantiamenuen matses dadpen iccuededacnoshon chuibanondambi. Adembidi shubun shubunquiec puduedcuennequin chuibenniondambi.

Hechos 4:20

Umbi isbuedbëta umbi tantiabued chuitequidquio nec. Aidi chuibanquin ëntiapimbo iquebi, quepanëdash Petedobëd Uan.

Hechos 4:29

Adquid icquin nëbi Uambëta Petedo chushcasho mimbi tantioc. Cuesambocquid ubitedi icmequin mimbi chiaidquio ubitedi chuibanmeta, Papa.

Hechos 8:35

Adoaquien Uedipen: Matses abitedi icsaid bedshunash abided cuidadec uënësaid Esus Nuquin Papa yacno puduedmianquid nec, quequin chuiquin Isayasën dada uampid nec, quequin Etiopia yacnouësh choquid tantiamequin chuipanëdash.

Hechos 8:5

Adembidi Esus tantiaquid utsibon: Niante nashunquin menequid icta, cabued Uedipe cuëmëdquidën shubu dadpen icquid Samadia caid yacno nidshun Esuquidistun naid chuibanuapanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Codinto 1 2:2

Mibëd tabadquin utsi chienquio icquin: Esuquidistu cueste napotiaidën dectanac uënëspanëdash, quequin aiduidtsëqui mibitedi chuibanondambi.

Cadasia 1:16

Esusën naid Chiaid Bëda isadaidpembo chuibenneta, caimbi, quequin ambi tantiampicpadombuen Nuquin Papan tantiamiondashi. Adoac: Esusën naid chuibanquido: ¿Atotsimbi nëbi nape? quequin chuitanambo iccondambi.

Cadasia 6:14

Ubien tantiesabimbuec: Ubiuidtsëqui bëdambocquid nebi, quetiapimbo iquec. Adenquio yec Nuquin Icbo Esuquidistu cueste napotiaidën dectanaidquio tantiec: Bëdambocquid nebi, caimbi. Adec Esuquidistu tantiec ubi bunaid ënash icsate bunenquio iquebi. Adsho issun utsibon umbi Esus tantiaquin nasho tantienquio iquec. Adec Esuquidistu cueste napotiaidën diadec uënëspanëdash, quequin tantiec Esus tantiesabon nacpadombuen nainquiocquin umbi icsambuen naid ënash icsate bunenquio iquebi.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.