Hechos 5:36 - El Nuevo Testamento en matsés

³⁶ Ëndenquio Teudas cuëmëdquid icpanëdash. Aidëmbi: Chuiquid tapa icnu, quequin chuisho tantiash dada dadpen 400ted abëdi capupanëdash. Teudas cuessunniacsho isash aidbëd icbuedtedi uanno uannoec nidanniash isadenquio yampanëdash.

Hechos 5:36 ပူးပေါင်းရင်းမြစ်များ

Mateo 24:24

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Mateo 24:26

Adashic padpidec onquec: Umbi aden chuibued tantiashun utsibo muasho tantienda. Ubi caic: Utsibo ismenquio yec shubu nibëdacno choac caoshe. Isnunid, cac nidenda. Adembidi: Choash aid shubun ompodac caoshe. Isnunid, cac istanenda. Muambo neque.

Mateo 24:5

Adquido chochoshon: Nuquin Papan Chomiaidquio Quidistu caid Mesias nebi, quequin muaquin chiaqui matses dadpenshun: Ai, abimbuen mimbi caic, capendac.

Hechos 21:38

Chuiquid tapa icnu, quequin umbiquien namenu, quequin Equipito yacnocquid dada cuesanquid 4midtedi cute nibëdacno buanac caondaidien nechitec, queshun mibi bedombi, capanëdash.

Hechos 5:35

buanan naden chuipanëdash: Cun matses isadaidbo, icsambuen namane, queshun bëdambuen tantiaquioshon nata.

Hechos 8:9

Adnubien Samadia yacno ënden bedanquin nënëchoquid icquin nadatiambocquin naquin ismiac anocquido tantiadempambo icpanëdash. Adembidi: Matsesën chuiquid nebi, quequin muaquin chuipanëdash, Aid dada Simon cuëmëdquid nepanëdash.

Cadasia 2:6

Adquid icnuc Esus tantiaquidon chuiquid tapa caidon Esus tantiaquidën natequid utsi chienquio iccondashi. Aid chuiquid tapabo icsho dacuëdënenquio iccondambi. ¿Chuiquid tapa nec, queshunda Nuquin Papan aido bëdambuen ispec?

Cadasia 6:3

Utsien: Chuiquidquio nebi. Ubiuidtsëqui bëdambocquid nebi, quec adquidpenquio yequi abibi mua uadquid nendac.

Petedo 2 2:18

Adec muaquido bëdambuec onquiacbimbuec ambembi chiec onquec. Utsin chiaid tantienquio icquin ambi tantiaiduidi naden chiec: Mibi bunacpaden mimbitsen: Nata, cac Esus tantiactsëcquin Nuquin Papan Chiaid naquin ambi icsambuen naid ënuidbuedi padpidembuec icsaindac. Aton chidopenquio isec chudte bunquin ambi icsambuen naid ënte bunenquio iquec. Chido dada utsi chudmete bunquid chudmequin icsambuen namec. Adquidotedi Nuquin Papan cuidtequidombo nec.

Petedo 2 2:2

Aden muaquidën chuibansho tantiashun dadpenshun aidën chiaid tantiendac. Adashic Nuquin Papan Chiaid niacniaquec muaquido tabadacpadquiec padpidec icsambuec tabaduaindac. Adsho issun: Esus tantiaquido icsambuec tabadeque. Is, cabededendac tantiesabon.

Udas 1:16

Aido cuidtequido iquec aton chuiquid tapabon chiaid tantienquio yec: Icsambo iquec, quiash icsambuen chuishunquin abitedi chieshënec tabadec. Ubiuidtsëqui bëdambuen naquidquio nebi, queuidequi iquec. Ubi bunacpadombuen ma nanu, quiash matses utsibo chiec: Umbi tantiaidquio mibi nec, quec muaic.

Esusën Uan ismiaid 17:3

Adshumbic Nuquin Papan Mayanën ushquin isacbimbuecnuc ismeuaposhi. Adoac Nuquin Papabëd icquidën masiuidquio yec shubu nibëdacnombo chido aben icquid tapa catsadsho ispombi. Aidi piumboshëcquid neposh. Aidën dadan Nuquin Papa icsambuen chuishunquin uesquin dada uaid icposh. Aton mapi 7ted icnubi aton pais 10ted icposh.

Esusën Uan ismiaid 17:5

Adshun isquien aid chido utsin tantiatiapimbo ictequid abi cuëmëdquid aton bëtanteteno bëdada uadec: Babidonia yacnocquido piucquid bedec chudadquidon titabimbuecquid icquin matses abitedi icsambuen namequidquio nec, quequin chuiquin bëdada uadaid icposh.