Hechos 5:30 - El Nuevo Testamento en matsés

³⁰ Esus mibitedishun cueste napotiaidën dectanquin uënës uamiondaid nuquin tsusedpabon Papa campid Nuquin Papambien uincuenmepaccondash.

Hechos 5:30 ပူးပေါင်းရင်းမြစ်များ

Ducas 1:55

Aden tantiaquin Nuquin Papan ambi nuquin tsusedpa Abadauambëta aton tsiuecquidtedi chiacpadombuen bëdambuen isquin nuqui tantiendac, quequin tantiec Madia cuëdëmpanëdash.

Ducas 1:72

Nuquin tsusedpabo bëdambuen isquin ambi aido chiampicpadombuen bëshunenquio icquin naindac.

Hechos 10:39

Cun matses isadaidbon nidaid Udea yacnobëta shubu dadpen icquid Edusaden yacnoshon Esusën nabansho ispondambi. Aidi cueste napotiaidën dectanquin isadaidbon uënës uamesho ispondambi.

Hechos 13:33

Nëbien ambi chiampicpadombuen Nuquin Papan uincuenmiaid Esus nec. Aidi chuiquin Nuquin Papan dada uamiampid nad iqueque. Tantia. Chuinu. Cun Madombo mibi nec. Nëid uëshëmbi Min Papa nebi, quequin chuiquin dada uamepampic.

Hechos 2:32

Aden Dabidën chiampicpadembi Nuquin Papan Esus uincuenmepanëdash. Aid uincuenmiacsho isondaido icquin ubitedishun mibitedi chuibanec nebi.

Hechos 22:14

Adsho isash Ananias: Nuquin tsusedpabon Papa campid Nuquin Papan ambi tantiacpaden: Naden nata, quequin chuiquin mibi tantiamendac. Adembidi ambi Chomiaid Esus Nuquin Papan: Naden nac bëdambo ictsiash, quequin naquidquio mibi ismendac. Aidën chuisho mimbi tantiendac.

Hechos 3:26

Aden Abadauan ambi chiampicpadquid aidën tsiuecquid Nuquin Papan Mado choacsho mimbi uënës uamepondac. Aden uënës uacsho Nuquin Papan uincuenmeshun nuquin matsesëmba ambi icsambuen naid ënsho ma ambi bëdambuen isaid icpanuna, quequin Petedon chuipanëdash.

Cadasia 3:13

Abitedishun Moisesën chiampiduidi natiapimbo yec icsambuec tabadsho isash abided cuidadec uënësquin Esuquidistun nuquitedi icsambuen naid bedshunquin bëdambo icmepondash. Naden chuiquin Nuquin Papan dada uamiampid iquec: Cueste napotiaidën dectanmiaid Nuquin Papan cuidaidquio nec, quequin dada uamepampic.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.