Hechos 5:3 - El Nuevo Testamento en matsés

³ Adnubien Petedon Nuquin Papan Mayan Bëdan tantiamiac naden Ananias chuipanëdash: Mayan Icsa Satanasën tantiamiaid icquin ¿Mitsipaden tantiaquin Nuquin Papan Mayan Bëdan isnubi muaquin abitedi meniacbimbuen ubi musuc menequin nai?

Hechos 5:3 ပူးပေါင်းရင်းမြစ်များ

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Ducas 22:3

Adnubien Esusbëd icquid abentsëc Udas Iscadiote cuëmëdquid dapuduedshun Mayan Icsa Satanasën tantiamiac

Uanën dada uaid 13:2

Adnubien Simon Iscadioten mado Udas Mayan Icsan Satanasën tantiamiacpadombuen ambi Esus bedmete tantiec tsadpanëdash.

Uanën dada uaid 13:27

Aden meniac bednubi ambi tantiaidquio namenuec Mayan Icsa Satanas Udas dapuduedquiopanëdash. Adshobien Esusën: Mimbi tantiacpadombuen badedquio nëbimbobi naic nid, Udas, capondash.

Hechos 5:2

Bedshun aton chidon isnubi musucshun ambi musucaid utsi dayun uaquimbi Esus chuibennequido yacno nidshun abitedi meniacbimbuen Ananiasën menepanëdash.

Hechos 5:4

Mimbi nidaid meniabi icnuc ¿mitsanapenquioda nediosh? Ma mitsana nepaboc. Adecbidi aid menequin piucquid mimbi bedaid ¿mitsanapenquioda nediosh? Ma mitsana nepaboc. ¿Mitsi paden tantiaquin piucquid abitedi meniacbimbuec meniano? Aden bëshun abimbo chienquio icquin ma Nuquin Papambobi mimbi muaquin chuiboc, quepanëdash Petedo.

Hechos 5:9

Adsho tantiashumbien Petedon: ¿Atotsi queshun Nuquin Papan Mayan Bëdan ubi muasho tantiatsiash, quequin tantienquio icquin min bënëbëtambi min piucquid abitedi menianacbimbuec meniano? Nëbi min bënë chococatambued caniabon mibitsen buanendac, quenubi

Santiaco 4:7

Aden chiampid icnuc Nuquin Papan chiacpadombuen nata. Mayan Icsa Satanasën tantiamiacpadombuen nainda. Mimbi aden nainquiocsho isash aidi cuenendac.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.