Hechos 5:2 - El Nuevo Testamento en matsés

² Bedshun aton chidon isnubi musucshun ambi musucaid utsi dayun uaquimbi Esus chuibennequido yacno nidshun abitedi meniacbimbuen Ananiasën menepanëdash.

Hechos 5:2 ပူးပေါင်းရင်းမြစ်များ

Mateo 23:5

Aidon Nuquin Papa tantiaquidquio danmequin matses ismenuenuidi naic. Nuquin Papan Chiaid dada uaidëmpi sauedten sauedtsash bëdectamëdash abiuc daëdi pëdectamëdshun matses ismenuenuidi naic. Adecbidi: Nuquin Papa chiannequidquio nec, mabi canu, queshun sedquid shoyonaid ënapempactsëcnuc aton dashcute cuididicash matses ismenuec matses tabadacno capucuennepec.

Uanën dada uaid 12:6

Aden chuisho tantiashun aton piucquid nibëdquido tantiaquidquio dampondambi. Ubitedishun piucquid dayun uaquid iquequi abibi ampeshumënquid icquimbi aden Udasën muaquin Madia chushcapondash.

Hechos 2:44

Adnubien Nuquin Papan Esus tantiamiaidotedi atona cudasenquio yec menenanec bëdambuec tabadcuededpanëdash.

Hechos 4:37

Aidëmbi aton nidaid menequin piucquid bedshun ambi bedaidtedi Esus chuibennequido meneuapanëdash.

Hechos 5:1

Adnubien dada Ananias cuëmëdquidën aton chido Sapidabëtan aton nidaid menequin piucquid bedpanëdash.

Hechos 5:3

Adnubien Petedon Nuquin Papan Mayan Bëdan tantiamiac naden Ananias chuipanëdash: Mayan Icsa Satanasën tantiamiaid icquin ¿Mitsipaden tantiaquin Nuquin Papan Mayan Bëdan isnubi muaquin abitedi meniacbimbuen ubi musuc menequin nai?

Hechos 5:8

Choacsho issumbien Petedon: Min nidaid menequin ¿nëidtedtsëquida piucquid bedo? caquien: Ai, aidtedtsëqui bedombi, quepanëdash Sapida.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Timoteo 1 6:10

Adec piucquid natiambo bunquidon aid bednuen baded badedquien icsambuen nadednendac. Adquido: Esus tantiembi, quebuedobi padenquio yanash natiec tabadendac.