Hechos 5:16 - El Nuevo Testamento en matsés

¹⁶ Adembidi Edusaden yacno pauequidon daicsaidobëta nënquido bëbënubi mayan icsa dapuduedshun mëyanaido bëbëuapanëdash. Aden bëbëaidtedi bëdampanëdash.

Hechos 5:16 ပူးပေါင်းရင်းမြစ်များ

Mateo 2:16

Adnubien isadaidbon chuiquid tapa Edodes: Uispa isquin tantiaquidon cacuidposhi, quiash cumapenec nëishshun aton iuabo naden chuipanëdash: Uispa isquin tantiaquidon chuibocpadtsëcquid dada bacuëmpibotedi seta daëd ictsëcquidotedi cuessun secatan. Beden yacnocquidon bacuëbobëtabi uanno pauequidon bacuëbotsen cuessun secatan, cac cuessun secatampanëdash.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 8:16

Adnubien aid inchëshbudtsëqui: Esus ismenu, quequin podobitsi icsa dapuduedaido dadpen bëbëshobien podobitsi icsa dapuduedaido caic: Dapuduen, quequin dapuduenmebanshumbic daicsaidobëta nënquidotsen Esusën bëdanmebampanëdash.

Ducas 5:17

Adashic uëshë utsimbi Esusën Nuquin Papan chiaid chuibannuc padiseobobëdi Moisesën chiampid tantiamequid dadpen ambo tabadpanëdash. Aido utsi utsiec nidaid Cadidea yacnouësh chochoquido icnubi utsi utsiec nidaid Udea yacnouësh chochoquid icnubi utsi utsiec shubu dadpen icquid Edusaden yacnouësh chochopanëdash. Adec chochoash tabadnubien Nuquin Papan nadatiambocquin naquid icmiac matses daicsaidobëta nënquido bëdanmequid Esus icpanëdash.

Ducas 6:18

Aidotedi Esusën chuibansho tantianuec chochoash tabadnubi: Ubi bëdanmec, quequin tantiec nënquido tabadpanëdash. Aido Esusën bëdanmepanëdash. Adecbidi podobitsi icsa dapuduedshun mëyadmiaid icsho issun Esusën podobitsi icsa dapuduenmequin bëdanmebampanëdash.

Ducas 9:11

Adec nidsho issun chochoquidon tsibanampanëdash. Adsho issun Esusën: Nuquin Papan namiacno tabadte iquec, quequin chuibanquimbi daicsaidobëtabi nënquido bëdanmepanëdash.

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Hechos 4:30

Icsaisa icquin Esusën nadatiambocquin nabanquin nënquidotedi bëdanmiondacpaden aid tantiaquid icsho ubitsen nadatiambocquin name Papa, quepanëdash Esus tantiaquido Nuquin Papa chuibededec.

Hechos 5:15

Adec Esus tantiaquid yanshun daicsaidobëta nënquido bëbëshun: Petedon datannubi aton sauanën ma bëdanmenu, queshun Petedo choacno aton uetechobi nambededpanëdash.

Hechos 5:17

Adnubien isadaidbo nëish iua cuessunneshun pichicaquidon chuiquid tapambobëd saduseobobëd icquido otacquio tabadbuedi matses dadpen Esus chuibennequido yacno chochosho isash: Ubi yacno adec chochoenquio iccosh, quiash nëishcuededpanëdash.

Codinto 1 12:9

Nuquin Papan Mayanën namiac Esus tantiaquido: Umbi chianniacpadombuen Nuquin Papan naic, quequin tantiaquidquio utsi utsiec iquendac. Utsibobic Nuquin Papan Mayanën namiac nënquido bëdanmequido iquendac.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.