Hechos 5:15 - El Nuevo Testamento en matsés

¹⁵ Adec Esus tantiaquid yanshun daicsaidobëta nënquido bëbëshun: Petedon datannubi aton sauanën ma bëdanmenu, queshun Petedo choacno aton uetechobi nambededpanëdash.

Hechos 5:15 ပူးပေါင်းရင်းမြစ်များ

Mateo 14:36

Bëbëshumbic: Dashcuteuidtsëqui mishash bëdantsiash, queshun Esus chuiquin: Min dashcute cuëma daicsaidobëta nënquido mishme, cac dashcute bëntsecquid cuëma mishmiaqui abitedimbo bëdampondash.

Madcos 6:55

badedquio shubu utsi utsiec yacno nidanneshun chuibenniac nënquidobëta daicsaido nandoten nandoshon Esus yacno bëbëpanëdash.

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Hechos 28:9

Aden: Aidën bëdanmiosh, quesho tantiash Madta caid yacnocquido nënquidobëd daicsaido chochopondash. Ubitsen bëdanmetsiash, quiash chochoacsho aidotsen bëdanmepondash.

Hechos 5:16

Adembidi Edusaden yacno pauequidon daicsaidobëta nënquido bëbënubi mayan icsa dapuduedshun mëyanaido bëbëuapanëdash. Aden bëbëaidtedi bëdampanëdash.