Hechos 5:13 - El Nuevo Testamento en matsés

¹³ Adombuen Esus chuibennequidon nabansho isash Esus tantiesabo dacuëdcuededec aidbëd ictiapimbo iquequi: Esus tantiaquido bëdamboshë iquec, quecuededpanëdash.

Hechos 5:13 ပူးပေါင်းရင်းမြစ်များ

Ducas 19:48

Aden aidtedishun tantiaquin caimbedednubi: Esusën chuibansho tantianu, quec matses dadpen Esus datsidadacsho issun ashunquio isadaidbon chuiquidon Esus uënës uamenuen bedtiapimbo icpanëdash.

Uanën dada uaid 12:42

Cun matses dadpenshun Esus tantiabennubi adembidi cun matses isadaidbon chuiquido utsin utsinquien Esus tantiabempanëdash. Adbuedi: Nuquin Papan Chiaid chuibante shubun puduedacsho padiseobon cuenmenushe, quiash dacuëdquin: Esus tantiaquid nebi, quequin chuitiadquidi utsibo chienquio icpanëdash.

Uanën dada uaid 19:38

Adnubien shubu dadpen icquid Adimatea yacnocquid Ose chopondash. Aidi Esus tantiaquid nepondash. Abipadquid isadaidbon chuiquid utsibo dacuëdënquin: Esus tantiaquid nebi, quequin utsibo chienquio icbuedëmbi Pidato chuituidpanëdash: Esus chococanun buanendambi, quesho Pidaton: Ai, cac Osen Esusën dada buampanëdash.

Uanën dada uaid 9:22

Nuquin Papan Chomiaid Quidistu caid Mesias Esus nec, quequido icsho Nuquin Papan Chiaid chuibante shubun puduedmenquien ictiad, quequin cun matses isadaidbon chuiquidon chiaid tantiash dacuëdquin:

Hechos 19:17

Adec cuensho isquidon chiac Epeso yacnocquid isadaidbobëd isadaidpembo dacuëdcuededpanëdash. Adec dacuëdquimbi: Esus nadatiambocquin nabanquid nec, quequin tantiabededpanëdash.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.

Hechos 5:26

Adsho tantiashun: Quënën nauedaid puduennushe. Ista, quequin isquidon chuiquidën ambi namiaidobëd nidshun bedtanquin bëuapanëdash. Matsesën cuënoten ubi sesenushe, queshun mëyanenquio icquin Esus chuibennequido bëuapanëdash.

Hechos 5:5

Adsho tantiatanequi Ananias uënësec uebudpanëdash. Adsho isash Esus tantiaquidtedi dacuëdcuededpanëdash.

Codinto 2 10:15

Adecbidi: Utsibon chuibanac Esuquidistu tantiaquid yanosh, quesho tantiash: Umbiuidtsëqui chuibanac Esuquidistu tantiabenosh, quenquio iquebi. Adenquio yec mibëdi tabadquin umbi chuibanac aid tantiaquido mibitedi yanondac. Adondacsho isash: Esuquidistu tantiaquidombo ma yampanu, quec mibitedi tantiec mibi yacno niduate bunebi.