Hechos 4:31 - El Nuevo Testamento en matsés

³¹ Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 4:31 ပူးပေါင်းရင်းမြစ်များ

Mateo 21:22

Nadatiambocquin naquidquio Nuquin Papa nec, quequin abimbo tantiaquin Abi chiannesho mimbi chiacpadombuen Nuquin Papan mibi nashuntsiash, quequin Esusën ubitedi chuipondash.

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Hechos 14:3

Aido nëishmiambi Iconio yacno iuec tabadquin Pabadobëtan Bednaben: Nuquin Icbon nuqui bëdambuen nametsiash, quiash dacuëdenquio icquin Esus bëdambuen tantiamequin: Nuquin Papan matses tantiaquiec, quequin chuibampanëdash. Aden chuibansho issun Nuquin Papan nadatiambocquin nabanquido Pabadobëta Bednabe icmepanëdash.

Hechos 2:1

Adashic isadaidbon aton tiedën caniquid tidico caid bedbante tantiate uëshë chotsëcnubi Esus tantiaquidotedi shubu nuntan iccuededpanëdash.

Hechos 2:2

Ambo iccuedednubien abucuësh choec cumapenec cuëdec cunquequid tapabimbuec nuntan chosho tantiapanëdash.

Hechos 2:4

Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.

Hechos 4:13

Adec Uambëd Petedo dacuëdenquio yec cumapenec onquesho tantiash tantiadempambo yec tabadec: Aid daëdi chuiquidpenquio iquequi adecbidi Nuquin Papan Chiampid ismiabicquid iquequi Esusbëd ictennedo aid daëdien nechitec, quequin tantiec chuiquido tabadpanëdash.

Hechos 4:29

Adquid icquin nëbi Uambëta Petedo chushcasho mimbi tantioc. Cuesambocquid ubitedi icmequin mimbi chiaidquio ubitedi chuibanmeta, Papa.

Pidipos 1:14

Aden ubi quënën tsadunaid icnuc: Aidën naondacpadombuen dacuëdenquio icquin Esusën naid chuibennenu, queshun Esus tantiaquido dadpenshun dacuëdbuedombi Esuquidistu tantiec dacuëdenquio icquin Nuquin Papan Chiaidquio chuibanac caosh.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Santiaco 1:5

Bëdambuen tantienquio iquembique. Ubi dadpen bëdambuen tantiaquid icmeta, quequin Nuquin Papa chuita. Aden abi chuisho: Ma bëdambuen tantianu, queshun chushcainquio icquin mibi dadpenquio bëdambuen tantiamendac.