Hechos 4:1 - El Nuevo Testamento en matsés

¹ Aden Uambëtan Petedon chuibannubien isadaidbon chuiquido nëidtedi chochopanëdash. Nuquin Papa ismequin nëish iua cuessunneshun pichicaquidon chuiquido yec Nuquin Papa tabadte shubu dapa yacnoshon isquid sondadon chuiquido yec saduseobo yec quec chochopanëdash.

Hechos 4:1 ပူးပေါင်းရင်းမြစ်များ

Mateo 16:12

Aden chuisho tantiash ubitedi nadpondabi: Panquio chienquio icquimbi nuquin matses caic: Padiseobon tantiamequin chuibanaidbëta saduseobon chuibanaid tantienda, quepecshenda niosh, quecuededpondabi.

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Mateo 27:20

Adnubien Esus chieshënquido Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquid tsësiobon ambo tabadquido chuibudpanëdash. Pidaton: ¿Mitsicquidimbi puduenmepe? cac: Badabas puduenmequimbi Esus uënës uame, quequin chuidoneta, cac: Ai, adoendambi, quecuededpanëdash.

Mateo 27:41

Adecbidi nëish iua cuessunneshun pichicaquidon chuiquido yec Moisesën chiampid tantiamequido yec isadaidbon chuiquid tsësiobo yec quequin Esus icsambuen chuishunquin mamënshunec nadpanëdash:

Mateo 3:7

Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Ducas 20:1

Adashic Nuquin Papa tabadte shubu dapa daquënë uaidën puduedshun: Nuquin Papa yacno tabadte iquec, quequin Chiaid Bëda Esusën iccuededquido chuibampanëdash. Aden chuibannubien tsësiobo yec Nuquin Papa ismequin nëish iua cuessunneshun pichicaquidon chuiquido yec Moisesën chiampid tantiamequido yec quec chochopanëdash.

Ducas 22:4

nëish iua cuessunneshun pichicaquidon chuiquidobëd Nuquin Papa tabadte shubu dapa yacnoshon namequido iccuededacno isec nidpanëdash. Adec aido yacno nidshun Udasën: Esus mibi bedmete bunebi, quequin chuipanëdash.

Uanën dada uaid 15:20

Iuan aton icbo dëniactiapimbo icquid, quequin umbi chuibued tantiata. Aden umbi Chiaid icnuc ubi chieshëmbocpadombuembidi mibitsen chieshënuaindac. Adembidi umbi chiacpadombuen naquidën mimbi chiacpadombuentsen naindac.

Uanën dada uaid 18:3

Aden tantianec choquin Udasën matses dadpen bëpondash nëidtedi. Nëidic Doma yacnocquidon namiaido sondado. Nëidic Nuquin Papa tabadte shubu dapa isquido sondado. Aido Nuquin Papa ismequin nëish iua cuessunneshun pichicaquidon chuiquidobëtan padiseobon chomiaidobëd Udas chopondash. Aidotedi tabotebëta tabote utsi bëchi ancushshun taboaid sanannubi siante sanambededtsëcquiec chochopondash.

Hechos 4:6

Auëshquiobidi onquec iccuedednuec nëidtedi chochopanëdash. Nëidic nëish iua cuessunneshun pichicaquidon chuiquid tapambo daëd Anasbëd Caipas. Nëidic aton shubun icquido abipadquid Uan utsibëd Adejando. Aidtedi chochoash onquec iccuededpanëdash.

Hechos 5:17

Adnubien isadaidbo nëish iua cuessunneshun pichicaquidon chuiquid tapambobëd saduseobobëd icquido otacquio tabadbuedi matses dadpen Esus chuibennequido yacno chochosho isash: Ubi yacno adec chochoenquio iccosh, quiash nëishcuededpanëdash.

Hechos 5:24

Aden chuisho tantiash: ¿Mitsipadquidien nechitec? quecuededpanëdash Nuquin Papa tabadte shubu dapa isquidon chuiquidobëd nëish iua cuessunneshun pichicaquidon chuiquid tapabo.

Hechos 5:26

Adsho tantiashun: Quënën nauedaid puduennushe. Ista, quequin isquidon chuiquidën ambi namiaidobëd nidshun bedtanquin bëuapanëdash. Matsesën cuënoten ubi sesenushe, queshun mëyanenquio icquin Esus chuibennequido bëuapanëdash.

Hechos 6:12

Aden chiac chuiquido yec Moisesën dada uampid tantiamequido yec isadaidbo utsibotedi yec quec nëishcuededshun Esteban bedshun isadaidbon chuiquid tapabo iccuededacno buanshun iuedquin ismepanëdash.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.