Hechos 3:6 - El Nuevo Testamento en matsés

⁶ Petedon: Piucquid cuna nibëdec. Umbi tantiaid Esuquidistu Nasaded yacno iccondaidën bëdanmiacpadec bëdanec nidtoash nidec nid, capanëdash.

Hechos 3:6 ပူးပေါင်းရင်းမြစ်များ

Mateo 10:9

Aden chuibennec nidquin min piucquid buanenda.

Mateo 7:22

Nuquin Papan matses abitedi cuidte uëshën matses dadpenshun ubi chuiquin: Icbo, Icbo, Cun Icbo mibi nec. Mibi caquin: Aidën namiaidquio nebi, quequin dadpen naombi. Nuquin Papan Chiaid chuiquinc, podobitsi icsabo matses dapuduedaido cuenmequinc dadpen nadatiambocquin naquinc caombique. Ubi puduedme, Icbo,

Madcos 14:8

Nëid chidon ubi uënësacsho chococate tantiaquin machiuinoshibique. Chushcainda.

Madcos 16:17

Abi tantiaquid utsi utsien Nuquin Papan nadatiambocquin nabanquid icmendac. Adquid icmiaidën umbi nabanondacpadombuen podobitsi icsa dapuduedaid icsho dapuduenmendac. Adembidi utsibon onquete tantienquio icbuedëmbi abi uëshëmbi tantiashun umbi naid chuibanendac.

Uanën dada uaid 19:19

Adnubien Pidaton: Nasaded yacnouësh caniquid yec Esus isadaidbon chuiquid tapa nec, quequin cueste pada uaidën dada uapanëdash. Aton matses Doma yacnocquidon onqueten dada uaquinc ebedeon onqueten dada uaquinc quidiecon onqueten dada uaquinc catanquin Esus dectanaid cuesten Esusën mapi abuctsëc dectanmepanëdash. Aid dectanaid shubu dadpen icquid Edusaden anoentsëqui icsho cun matses dadpen aid dada uaid isec onquepondash.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 16:18

badiadquidën badiadquidënquiec cumapenec cuëdtednepondash. Adec cuëdsho tantiate bunenquio icquin amibidi bidiadquin podobitsi icsa dapuduedaid chido chuiquin cumapenec cuëdquin Pabadon: Esuquidistu Cun Icbombo icquin dapuduenmeta, cac aid chidon dadan iquenquio yec badedquio podobitsi icsa dapuduempondash.

Hechos 2:22

Adembidi Nuquin Papan Chomiaid chuinu. Tantiata, isadaidbo. Nasaded caid yacnouësh caniquid Esus Nuquin Papan Chomiaid icquin nadatiambocquin nabanquin dadpen ismebansho mimbi isondac.

Hechos 2:36

Tantia. Cun matses isadaidbo. Dabidën chiampid Esus mibitedishun cueste napotiaidën dectanquin uënës uaid Nuquin Papan Chomiaid Mesias caid yec Nuquin Papan icmiacpadec abitedishun Icbombo nec, quequin abimbo chiec nebique. Esus tantiata, quepanëdash Petedo.

Hechos 3:16

Esusën nëid bëdanmec, quequin umbi abimbo tantianubi nëid dada uishcash uesho mimbi isbededbuedi bëdanash bëdambuec capusho mibitedishun isec.

Hechos 3:5

Adoac: Ubi piucquid menec, quequin tantiaquin aid daëd issobien

Hechos 3:7

Aden chuitanquin caputiapimbocquidën mëdante abiucquio bedtanquin Petedon nidtomiac badedquio taëshbëd taë uidënquio yanec nidtopanëdash caputiapimbocbuedi.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.

Hechos 4:7

Ambo iccuededquimbi Uambëta Petedo chomeshun aidon nënantanquio nidtomeshun: ¿Tsuntsin namiac caputiapimbocquid bëdanmio? ¿Tsutsi tantiaquin nao? capanëdash.

Hechos 9:34

Esuquidistun mibi bëdanmeque. Nidtoshon min uete buannun nacnenta, Eneas, Petedon cac badedquio bëdanec nidtopanëdash.

Codinto 1 4:11

Ubitedi Esuquidistun: Chuibenneta, caido yec pete bunec tabadebi. Adecbidi acte bunequi tabadebi. Adecbidi dashcute abentsëqui icnuc natiec tabadebi. Adecbidi chieshëmënquidon natiamiaido nebi. Quenenash icte shubu nibëdquido nebi.

Codinto 2 6:10

Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.

Codinto 2 8:12

Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Petedo 1 4:10

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.