Hechos 3:19 - El Nuevo Testamento en matsés

¹⁹ Nëbi mimbi icsambuen naid ënshun Nuquin Papa tantiata. Ma mimbi icsambuen naidtedi tantienquio yec bëshumpanu.

Hechos 3:19 ပူးပေါင်းရင်းမြစ်များ

Mateo 13:15

Umbi chiac tantiatiapimbo iquec. Min matses pamumëdacbimbuen tantiate bunenquio iquec. Bëchicqueshun isenquio yacbimbuembidi isquin tantiatiapimbo iquec. Umbi chiaid tantiaquin umbi nabansho issun padpiden ubi tantiabenuanushe. Aden tantiabenshun ambi icsambuen naid ënsho issun bëdambuen ismane, quiash Nuquin Papa chushquiaid Isayasën dada uapampic, quepondash Esus.

Mateo 18:3

Tantia. Mibitedi abimbo chuinu. Mimbi tantiacpadenuidi naic tabadbuedi nadquid bacuën amën chiacpadombuen nacbimbuen ubi tantiaquiota. Mimbi adoenquio icshoembi Nuquin Papan namiacno mibi puduedmenquio iquendac.

Ducas 1:16

Nuquin Papan Chiaid tantiaquidquio icquin aidën chiac isadaidbo dadpen Nuquin Papan Chiaid niac niacquid icbuedi: Cun Icbo Nuquin Papa nec. Aidën chiacpadombuen naimbi, quequin tantiabenendac.

Ducas 22:57

Adoaquien: Umbi isacmaidquio mimbi chiec, quepanëdash Petedo.

Hechos 1:6

Adshobien abëd iccuededquid abentsëcshun Esus chuiquin: Iuen matses utsibon iuaquin namiaido nuquin matses isadaidbo nec. Adquid icsho issun ¿nëbimbobida mimbi nuquin matsesën chuiquid tapa icmetsiashe? Tantianu. Chui, Icbo, capanëdash.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 11:21

Aden chuibanshobi Nuquin Papan nadatiambocquin tantiamiac aidon chuibanaid tantiashun isadaidpembon: Cun matsesën icsambuen tantiaidbëta umbi icsambuen naid ënnu, quequin ënash Esus tantiaquid dadpen yampanëdash.

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Hechos 17:26

Aidëmbi matses abentsëc uashumbic aidën tsiuecquido dadpen caidmepampic. Adec caidash matses utsi utsiec dadpen yanash nidaid utsi utsiec yacno tabadquido nec. Aden matses uabi icquin Nuquin Papan: Aid uëshënquio yanendac. Aido ambo tabadendac, quequin ambi tantiacpadembi napampic.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 28:27

Umbi chiaid tantiashumbi natiapimbo iquec. Min matses pamumëdacbimbuen tantiate bunenquio iquec. Bëchicqueshun isenquio yacbimbuembidi isquin tantiatiapimbo iquec. Umbi chiaid tantiaquin umbi nabansho isquimbi padpiden ubi tantiabente bunenquio iquec. Aden tantiabenquin ambi icsambuen naid ënsho issun bëdambuen ismane, quec Nuquin Papa chushquiaid Isayasën chuipampic.

Hechos 3:20

Ëndenquimbo Ambi tantiampicpaden Chomiaid Mesias caid Esusën ma mibitedi bëdambo icmepanuna.

Hechos 3:21

Nuquin Papan abitedi bëdambo icmete uëshë choabicnuc ambi chiampicpadequi nëbi Esus abuc aton Papabëd tabadec. Adec tabadte chuiquin Nuquin Papan oncamiaidon utsin utsinquien dada uapampic.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Tesadonica 2 1:10

Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.

Tesadonica 2 1:7

Aden nuqui natiamequin chieshënquido Nuquin Papan cuidendac. Adoac nuqui natiametiapimbo iquendac. Abëd icquido ambi nadatiambocquin namiaidobëd cute nëdënquequidbimbuec isadec abucuësh choshon Nuquin Icbo Esusën adoendac.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Ebedeo 4:1

Adec nuquin tsusedpabo Nuquin Papa tantienquio yec tabadash aidën chiacno tabadambo icpampic. Nëbi Nuquin Papan chiampicpadombuen chiembique. Chuinu. Tantia. Ubi yacno puduedash natienquio yec ubëd tabadtequid mibitedi iquendac, quequin chiampid icnuc aid yacno aidbëd tabadtiapimbo icchitomane, queshun Esuquidistu tantiaquionona.

Petedo 1 2:25

Ënden mibitedi obeca nëish iua bënnudacbimbuec tabadpondac. Adquid icbuedi nëbi mibitedi icbon aton iua istuidshun dayun uacbimbuen abi tantiasho Esuquidistun bëdambuen isquin dayun uaindac.

Petedo 2 3:8

Tantia, cun utsibo. Ubi tantiaido icsho chuinu. Naden Nuquin Icbon chiaid bëshunenda: Badiad abentsëc yacbimbuecquid iquequi seta midted icquid nec. Adecbidi seta midted icquid iquequi badiad abentsëc yacbimbuecquid nec.

Esusën Uan ismiaid 21:4

Nëmbo tabadec bëun bëucacbimbuec matses shubitiapimbo iquendac. Nidaid shënin tabadec abitedi uënëstequiduidquio icbuedi nëuëshquio matses uënëste nibëdendac. Adecbidi sedenquec shubite nibëdendac. Adecbidi uënësquio icmiantequidbëd paëmbo icte nibëdendac. Adec ënden nidaidën iccondaidtedi nibëdquio iquendac, queposh.