Hechos 3:17 - El Nuevo Testamento en matsés

¹⁷ Cun matses isadaidbo mibitedi neque. Tantia. Chuinu. Nuquin Papan Chomiaidquio nec, quequin tantienquio icquin min chuiquidobëtan mibitedishun Esus uënës uamiondac.

Hechos 3:17 ပူးပေါင်းရင်းမြစ်များ

Ducas 23:13

Adshumbic nëidtedi Pidaton chochomepanëdash. Nëidic Nuquin Papa ismequin nëish iua cuessunneshun pichicaquidon chuiquido. Nëidic isadaidbon chuiquido. Nëidic isadaidbo utsibo dadpen. Aidtedi chochomeshun

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Uanën dada uaid 16:3

Aden Nuquin Papabëta ubi tantiesabon ubi tantiaquido chieshënquiendac.

Uanën dada uaid 7:52

Adoaquien chuiquidon: Esus yacpadec nidaid Cadidea yacnouësh caniquidien mibi nechitec. Aid tantiaquidien mibi nec. Nuquin Papan Chiampid isbanta. Aid isbanshun: Nidaid Cadidea yacnouësh Nuquin Papan oncamiaidquio choenquio ictsiash, quequin mimbi tantiatsiac, quepanëdash chuiquido Nicodemo chushcaic.

Hechos 13:27

Adquid icsho: Nuquin Papan Chomiaid Esus nec, quenquio icquin Edusaden yacnocquidobëtan aton chuiquid tapabon: Icsambocquid neque. Unës ua, quequin chuipanëdash. Aden uënës uate chiaid tantienquio icquin chonoadtemaid uëshën uëshënquien istednequimbi Nuquin Papan ambi oncamiaidën dada uamiampicpadembi aidon Esus uënës uapanëdash.

Hechos 22:5

Umbi aden tsadunmebanondaid nëish iua cuessunneshun pichicaquidon chuiquid tapabëtan nuquin chuiquid utsi tsësiobon isondashun tantiec. Shubu dadpen icquid Damasco yacno nidshun Esus tantiaquid bedmeshun Edusaden yacno cuidmenuen bëmenu, quesho tantiashun Edusaden yacnocquidon chuiquidon: Ai, adotan, quequin dada uaid meniac bedondambi Damasco yacnocquid isadaidbon chuiquido ismenuen.

Hechos 26:9

Ënden shubu dadpen icquid Nasaded yacno icnëdaid Esus tantiaquido: Icsambocquid neque. Cuessunnemembi, quequin tantiapondambi.

Hechos 28:21

Adoaquien: Nidaid Udea caid yacnoshon mimbi icsambuen naid chuiquin dada uaid bësho bedambo iccombi. Adembidi Edusaden yacnouësh choquidon: Pabado icsambocquid nec, quequin chienquio iccosh.

Hechos 7:40

Adashic Moises macuësh yacno iuecquio tabadnubi Moisesën buchi Adon cuëmëdquid aton matsesën naden chuibededpampic: Moises nuqui Equipito yacnoshon bëyucanquin bëbued ¿mitsimbo nidash nibëdquio iquec nepec? ¿Atotsi quec nidpash? Nuquitedi papa canun nacnenta. Nacnenac nuqui namequid aid iquendac,

Doma 11:2

Ëndenquimboshë Nuquin Papan: Cun matses isadaidbo nec, queshun tantiaquiopampic. Nëbi aido chieshënenquio iquec. ¿Nuquin Papan oncamiampid Ediasën chiampid tantienquioda mibitedishun ique? Aton matses isadaidbo nëishënshun Nuquin Papa naden chuipampic:

Codinto 1 2:8

Aden chiampid Nuquin Papan Chomiaid nec, quequin chuiquid tapabon tantienquio icpanëdash. Aidon: Nuquin Papan Chomiaid Esuquidistu nec, quequin tantiaquin: Nuquin Icbo bëdamboshëcquid nec, queshun cueste napotiaidën dectanmenquio ictsempanëdash.

Codinto 2 3:14

Nuquin Papan dada uaid Moisesën chuibanac tantiate bunesa aton matses isadaidbo icpampic. Adquiobidi pamumëdacbimbuec isadaidbo abi tabadec. Nuquin Papan Chiampid isec onquec nëbi adquiobidi abi bëdambuen ismenuen nate tantiesa nec. Padnuen Esuquidistu uidtsëqui tantiaquidën Nuquin Papa bëdambuen ismete tantiec.

Epeso 4:18

Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.

Pidipos 1:22

Uënësabi icquin umbi chuibanac utsibon Esus tantiabentsiash, quiash ¿uënësenquio yec tabadtedabi bumpeba? ¿Mitsipadtebi bumpeba?

Timoteo 1 1:13

Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.