Hechos 3:1 - El Nuevo Testamento en matsés

¹ Adnubien uëshë budec 3 yannuc aton matses isadaidbon nadedniacpadec Petedobëd Uan Nuquin Papa tabadte shubu dapa yacno Nuquin Papa chiec nidpanëdash.

Hechos 3:1 ပူးပေါင်းရင်းမြစ်များ

Mateo 17:1

Aden chiashic 5tedec ushanec nidquimbi Esusën abëd icquido nëidted buampondash. Petedo yec Santiaco yec aidën utsi Uan yec quenuc buanash macuësh tapa abucquiocquid yacno dectatoash mannanënquio tabadtuidpanëdash.

Mateo 26:37

Adashic Petedobëta Sebedeon mado daëd Uambëta Santiaco buanec nidequi natiaquiec uënësquioshë yampanëdash.

Mateo 27:45

Adnubien uëshë cuembo icnuc inchëshpondash. Uëshë cuembo icnuc bedanec uëshë budambi 3 icnuc cuësquec nidaid abichobimbo inchëshquio icpondash.

Ducas 1:10

Adquid icnuc puduedshun Sacadiasën nuadte bëda pichicanubi umanuc Nuquin Papa tabadte shubu dapa daquënë uaid yacno Nuquin Papa chiec matses dadpen tabadpanëdash.

Ducas 18:10

Nuquin Papa tabadte shubu dapa yacno nidshun: Nuquin Papa chuinu, quequid dada daëd icposh. Abentsëc padiseobo icnubi utsi Doma yacnocquidon chuiquidën chiacpadombuen aton matses piucquid bedshunquid icposh.

Ducas 22:8

Aid uëshë chonoc Uambëta Petedo chuiquin: Obeca caniactsëc cuessunneshun pepampid tantiaquin penun nacnenec nid, capanëdash Esusën.

Ducas 24:53

Adec chochoash tabadquin Nuquin Papa tabadte shubu dapa yacno badiadquidën badiadquidënquiec nidted nidtedquin Nuquin Papan naid cuëdënquin chuidednepanëdash.

Uanën dada uaid 21:7

Adsho issumbimbi Esusën tantiabuedquio icquin: Ma Nuquin Icbo Esus nepayoc, Petedo, capondac. Adoaquien aton tsitsumi icquiduidtsëqui icnuc abi dachiquidbued aton dashcute utsi badedi dasiuidtanec acte nëpudunash tantannidec Esus isnuec Petedo nidpondash.

Hechos 10:3

Adquid yec uëshë utsin uëshë budtsambi 3 yannuc ushquin isacbimbuen Nuquin Papabëd icquidquio abi yacno puduedsho Codnedion ispanëdash. Adec choshon: Codnedio, capanëdash.

Hechos 10:30

Adoaquien Codnedio: Ënden 3tedec ushash cun matses mibi yacno nidmiabi yec cun shubu nuntan Nuquin Papa chiec onquec tsadobi. Adnubien uëshë budec 3 yannuc dada dashcute bëchamauanquiecquid dasiuidquid ubi yacno choec isadcuenash onquec:

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 3:3

Adnubien Petedobëd Uan chosho issun: ¡Piucquid ubi mene! capanëdash caputiapimbocquidën.

Hechos 3:4

Adoaquien Uambëd nidtuidshun Petedon caputiapimbocquid bëisquin: Ubi daëdi is, capanëdash.

Hechos 4:13

Adec Uambëd Petedo dacuëdenquio yec cumapenec onquesho tantiash tantiadempambo yec tabadec: Aid daëdi chuiquidpenquio iquequi adecbidi Nuquin Papan Chiampid ismiabicquid iquequi Esusbëd ictennedo aid daëdien nechitec, quequin tantiec chuiquido tabadpanëdash.

Hechos 5:25

Adnubien dada utsi choshon: Mibitedishun quënën tsadunmebuedon Nuquin Papa tabadte shubu dapa yacnoshon chuibanuasho tantiombi, capanëdash.

Hechos 8:14

Adnubien Edusaden yacnoshon: Samadia yacnocquidon Esus tantiabenac caosh, quesho tantiashun Esus chuibennequidon Petedobëta Uan Samadia yacno nidmepanëdash.

Cadasia 2:9

Aid chuiquid tapabo Santiaco yec Petedo yec Uan yec quec icpondash. Aido: Isadaidpembo Esusën naid mimbi chuibennenubi adembidi isadaidbombo chuibennendambi, quepondash. Adshumbic: Ubipadquid yec mibitsen Esus chuibennequid nec, queshun chuiquid tapabon ubëd icquid Bednabebëta mëdimpondashi.