Hechos 28:31 - El Nuevo Testamento en matsés

³¹ Utsibon: Aid chuibanenda, cadtiapimbo icquin dacuëdenquio icquin: Nuquin Papan namiacno tabadte iquec, quequin chuibampondash. Adembidi Nuquin Icbo Esuquidistu tantiamenuen Pabadon chuibampondash. Aidtedi Esusën: Ubi chuibenneta, caidon naid chuibanquin dada uaombi, Teopido.

Hechos 28:31 ပူးပေါင်းရင်းမြစ်များ

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Madcos 1:14

Adnubien isadaidpembon chuiquid tapan acten mentoquid Uan bedmeshun quënën tsadunmepanëdash. Aden Uan quënën tsadunmiambien Esus nidaid Cadidea caid yacno nidpanëdash. Adshumbic tauaquin Nuquin Papan Chiaid Bëda chiec: Nuquin Papan namiacno tabadte nëbi iquec, quequin Esusën chuibampanëdash.

Ducas 8:1

Adshumbic Esusën shubu daëdpactsëcquidbëd shubu dadpen icquid yacno yacnombuec capucuennequin: Nuquin Papan namiacno tabadte iquec, quequin Chiaid Bëda chuibennepanëdash. Aden chuibennec capunuc abëd icquido 12ted adecbidi Esusbëd nidpanëdash.

Hechos 1:3

Cueste napotiaidën dectanac uënësash uincuenshun: Uincuenobique. Is, quequin Esusën abëd icquidouidtsëqui ismebampanëdash. Ma abimbo iquec, quequin tantiaquin ubi chuibennenu, queshun aden ismebampanëdash. Adec 39tedec ushquin ismebennequin: Nuquin Papan namiacno tabadte iquec, quequin Esusën chuibampanëdash.

Hechos 20:25

Nëshunquio: Nuquin Papan namiacno tabadte iquec, quequin chiaid umbi chuibansho tantiabenondaidon ubi nëuëshquio nidacsho mibitedishun padpiden ubi isuainquio iquendac, quequin tantiembi.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Hechos 28:23

Aden Pabadon tantiaid tantianuec: Nëidted ushash padpidec chouaindabi, quianec nidannepondash chuiquido. Adec nidanniash ambi chiactedec ushash Pabado tabadacno isadaidbon chuiquidobëd utsibo dadpen chochopondash. Adec chochoash tabadsho issun aido tantiamequin: Nuquin Papan namiacno tabadte iquec, quequin Esus tantiaquid icmenu, quequin Nuquin Papan: Naden nata, quequin Moises dada uamiampidbëta Nuquin Papan oncamiaido chuiquin dada uampid chuibampanëdash. Aden chuibanquin badiadnuc chuiquin bedanshun inchëshbudtsëqui chuibanquin Pabadon ëmpondash.

Hechos 28:30

Adembidi seta daëd matanmec ambi piucquid meniaid shubun tabadquin abi isec chochoquidtedi Pabadon iuedpondash.

Hechos 4:29

Adquid icquin nëbi Uambëta Petedo chushcasho mimbi tantioc. Cuesambocquid ubitedi icmequin mimbi chiaidquio ubitedi chuibanmeta, Papa.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 5:42

Adshumbic badiadquidën badiadquidënquien Nuquin Papa tabadte shubu dapa tsicatiacnoshon puduedshun matses tantiamequin Chiaid Bëda naden chuibampanëdash: Nuquin Papan Chomiaidquio Quidistu quequin Mesias caid Esus nec, quepanëdash. Adec chiannec shubun shubunquiec puduedcuennequin adembidi chuibampanëdash.

Hechos 8:12

Adnubien Uedipen: Nuquin Papan namiacno puduedmianquid Esus nec, quequin Chiaid Bëda chuibansho tantiash Esus tantiaquid dadpen dadabëdi chidobo yampanëdash. Adsho issun aidotedi acten mentobampanëdash.

Pidipos 1:14

Aden ubi quënën tsadunaid icnuc: Aidën naondacpadombuen dacuëdenquio icquin Esusën naid chuibennenu, queshun Esus tantiaquido dadpenshun dacuëdbuedombi Esuquidistu tantiec dacuëdenquio icquin Nuquin Papan Chiaidquio chuibanac caosh.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.

Timoteo 2 4:17

Nuquin Icbombini nianenquio icpondash. Isadaidpembo matses utsibo yacno nidshun ma Esus abided cuidadec uënës uaid tantiate chuibannu, quequin cuesambo icmepondashi. Adondaid icshobini chieshëmënquidon: Cuessunnenu, cauidpondash. Adshobini bëdi tëbuchoquid tapan bedacsho mënchicacbimbuen Nuquin Icbon nac aid matsesën cuessunnenquio icpondashi.