Hechos 28:2 - El Nuevo Testamento en matsés

² Ambo icquidon ubitedi bëdambuen ispondash. Iquenuampambuec ue sequenubi Madta caid yacnocquido cute cuëtsiadoash: Cuëec cho, quequin ubitedi chuipondash.

Hechos 28:2 ပူးပေါင်းရင်းမြစ်များ

Mateo 10:42

Adembidi ubi tantiaquid acte bundoacsho acte acmequin nashunsho Nuquin Papan bëdambuen isquin bëdamboshëcquid menetequid iquendac, quequin Esusën chuipondash.

Uanën dada uaid 18:18

Ambo iquenuanquiecsho issun shubu tsicatiacnoshon cute tsiadoshon nëdëncadoash sondadobëd ambocquido iuabo cute cuëec tabadpondash. Adsho isashien Petedotsen aidobëd cute cuëec icpondash.

Hechos 27:3

Adec cano dapa antabëdtoanec nidquin badiadshun shubu dadpen icquid Sidon caid yacno istuidpondash. Ambo choshon: Mitsana nibëdeque. Mibëd tantiananquido yacno nidta. Aidon mibi nashunquin menetsiash, quequin Pabado bëdambuen tantiaquin sondadon chuiquid Udion chuipondash.

Hechos 28:3

Adnubic Pabadontsen cute tanunquiocquid bedtanquin masandopondash. Aden masandoaid nëdënquec chumbo yannuc puduenquin nisin Pabado mëpepondash.

Hechos 28:4

Aden mëpiash ëcchiquidenquio yec mëdiadsho isashien ambocquido utsi utsiec nadpondash: Nëid dada cuessunnianquid icsho nisin piac uënëstequid nepanui. Mentoadenquio yec actenuësh pudundoacsho nuqui tita quequin tantiaidën icsambuen naquid icsho cuidquimbien nachitec, quecuededpondash.

Doma 1:14

Esuquidistun chiacpadombuen Ambi naid matses abitedi chuibante bunquiebi. Isadaidbobëta matses utsibo chuibanshumbic cumapenen tantiaquidobëtabi tantienquio icquidotsen chuibannuec nebi.

Doma 14:1

Mibëd iccuededquid Esus tantiabentsëcquido bëdambuen ista. Aidobëd icsambuec chushcananec tabadenda.

Doma 14:3

Pambid pequidobëtan pambid isuidquidombi Esus tantiasho Nuquin Papan aid daëdi bëdambuen isec. Padnuen pambidbëta pete utsi abitedi pequidën pambid isuidquid chieshënac icsambo iquec. Adembidi pambid isuidquidën: Pambid pequid icsambo iquec, quequin chieshënac icsambo iquec.

Doma 2:27

Adec matses utsibo shui dëbid dëtiacmaido Nuquin Papan chiacpadec bëdambuec tabadnubi Nuquin Papan: Naden nata, quequin Moises dada uamiampid isban isbanshumbi shui dëbid dëtemiaidombi isadaidbon aidën chiaid niac niacpec. Adsho issun: Aido icsambo iquec, caindac utsibon.

Codinto 1 14:11

Adec umbi tantiacmaid onquete utsin onquesho umbi tantienquiocsho isash: Cun matsespenquio nec, quequin tantiec. Adembidi aton onquetempenquio umbi chuibansho tantiash: Cun matsespenquio nec, quequin tantiatsiash.

Codinto 2 11:27

Cuna bednuec iuec chonoadbudec uinmabudtedniondabi. Chieshtomenuen natiamededniondashi. Adecbidi ushenquio yec ushcasmadedniondabi. Adecbidi pete bunec acte bunquiondabi. Adecbidi dashcute utsi dasiuidte nibëdnuc iquenquiondabi.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Ebedeo 13:2

Shubu utsi yacnouësh choquid bëdambuen isquin iuedshun mibi yacno ushmeta. Aden nate bëshunenda. Aden nashunquin utsin utsinquien: Nuquin Papabëd icquido aid yacnouësh choquido nëido nec, quequin tantienquio icquin matses danquin aton shubun iuedshun ushmepanëdash.