Hechos 28:16 - El Nuevo Testamento en matsés

¹⁶ Aden aido bëquedash aucbidi choec Pabadobëd Doma yacno chochopondash. Ambo choacshobien chuiquidon Pabado quënën tsadunmenquio icquin shubu utsin tabadmepondash sondado abentsëcshun abëd tabadquin isnubi.

Hechos 28:16 ပူးပေါင်းရင်းမြစ်များ

Hechos 18:2

Ambo isadaidbo Aquida cuëmëdquid nidaid cuëshë Ponto caid yacnoshon tishaid Pabadon istuidpanëdash. Aid ambo choabicnubi: Isadaidbotedi nidaid Itadia yacnouësh nidta, Doma yacnocquidon chuiquid tapa Cadaudion cac aton chido Pisida cuëmëdquidbëd Codinto yacno Aquida chopanëdash.

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Hechos 2:10

Utsibic nidaid cuëshë Pidiquia yacnouësh choquido. Utsibic nidaid cuëshë Pampidia yacnouësh choquido. Utsibic Equipito yacnouësh choquido. Utsibic shubu dadpen icquid Sidene anoentsëcquid nidaid Dibia caid yacnouësh choquido. Utsibic shubu dadpen icquid Doma caid yacnouësh choquido.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Hechos 24:23

Aden chuishumbic naden Uedisën sondadon chuiquid capitan chuipanëdash: Shubuno Pabado buanuashun quënën tsadunshun. Puduennushe Ista. Aid: Umanuc capuec nidnu, quesho tantiash aidbëd nidta. Adembidi abi nashunquin isquido chosho issun iuedta, quequin chuita, quepanëdash Uedis capitan chiec.

Hechos 27:3

Adec cano dapa antabëdtoanec nidquin badiadshun shubu dadpen icquid Sidon caid yacno istuidpondash. Ambo choshon: Mitsana nibëdeque. Mibëd tantiananquido yacno nidta. Aidon mibi nashunquin menetsiash, quequin Pabado bëdambuen tantiaquin sondadon chuiquid Udion chuipondash.

Hechos 27:31

Adec aido cuennu, quesho tantiashun Pabadon: Cuennu, quequido canompin nidnuc cano dapan nidquidotedi nuqui mentoadendac, quepondash sondadobëta cano dapa nidmequid capitan chiec.

Hechos 27:43

tantiash: Pabado cuessunnenushe, queshun: Padi ¡Chën! capondash sondado chuiquid capitanën. Aden chuishumbic: Acten tantanec mëquiadquido tantanec abia nidaid yacno nidannenubi

Esusën Uan ismiaid 17:18

Shubu dadpen icquid yacno chuiquid tapa iquendac. Aidëmbi nidaid utsi utsiec yacnocquido chuiquid abitedi namendac, quequin chido piucquid bedec chudadquidbimbuecquid mibi ismiombi, quequin Nuquin Papabëd icquidën chuiposhi.

Esusën Uan ismiaid 17:9

Adshumbic padpiden chuiposhi: Tantia. Umbi chuibued cumapenen tantiaquidon ma tantianu, queshun mibi chuinu. Bëdi dapabimbuecquidën mapi 7ted icquid Babidonia caid yacno matses icsamequid chido tabadacno macuësh tapa 7ted iquec, quequin tantiamequimbi: Chuiquid tapabo 7tedbidi iquendac, camenuen aid mapi 7tedbidi mibi ismiombi.