Hechos 27:38 - El Nuevo Testamento en matsés

³⁸ Aden abi bunactembi pebededshumbic: Iuëmbo iquec, queshun ambi sandoaid tidico caid ëshë acte nësecapondash.

Hechos 27:38 ပူးပေါင်းရင်းမြစ်များ

Mateo 16:26

Abi bunaid dadpenquio bedbanec Ubi tantiesa yec uënësash Nuquin Papa yacno puduedtiapimbo iquendac. ¿Adquidta bëdambo icpadic? ¿Nuquin Papa piucquid menecta matses aid yacno puduedpatsiash? Padenquio.

Mateo 4:18

Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën.

Mateo 6:25

Adshumbic Esusën padpiden naden chuipanëdash: Umbi aden chuibued tantiash natiec tabadenda. ¿Atotsimbi pepeba? ¿Atotsimbi acpeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda. Bëdambuec tabadnu, quequin petequiduidi tantienda. Adembidi dashcute dasiuidteuidi tantienda.

Ducas 12:23

Bëdambuec tabadnu, quequin peteuidi tantienda. Adembidi dashcute dasiuidteuidi tantienda.

Ebedeo 12:1

Aden Nuquin Papa tantiaquidombo yec uënësampidën dacuenadec tabadquin isacbimbuec nuqui tabadec. Aidon nampid tantiaquin Nuquin Papa tantiate bunquioquin: Cun dashcute iuëmbocquid chictanec cumapenec titinquetannu, quiacbimbuen nuqui icsambuen nabanaid ënnuna. Adembidi dayacquiocquin Nuquin Papan chiacpaden nabanec tabadnuna.