Hechos 27:30 - El Nuevo Testamento en matsés

³⁰ Adec tabadnubi cano dapa nidmequidën namiaidon: Cuennu, quequin dëbiate yacnoshontsen cano uidën uate iuëmbocquid dëdectanshun nëniacbimbuen canompi annandobued nimbudpondash. Cano dapa mentoadnuc cuennu, quequin adopondash.

Hechos 27:30 ပူးပေါင်းရင်းမြစ်များ

Hechos 27:16

Aden cunquequidën buanaqui acte nënantan nidaid nacnëdquidëmpi Cauda caid ëquëbictsëc cuenquin datampondash. Amboshon cunquequid cumapenec cunquebuedi ënëdbudan: Canompi cano dapan panëshshun buanaid cunquequid tapa padpidec chouaquin buannushe, queshun iuëmiac bëdiactsëc cadoquin annandopondash.

Hechos 27:27

Adashic Buenos Puedtos caid yacnouësh puduanec nidash 13tedec ushec acte dapa Adidiatico caidën icshobi cunquequidën buampondash. Aden acte bocquec tëccuasquequidën buannubi inchësh poctsembo yannuc: Cuëma anoentsëqui nuqui yanec, quequin cano dapa nidmequidon tantiapondash.

Hechos 27:29

Cunquequidën nidaid yacno buanquin cano dapa cuënote dapa semenushe, quiash dacuëdquin cano dapa uidën uate dapa iuëmbocquid 4ted tsitsumi tsidectanshun acte nënepondash. Aden nëniash noadec: Ma Nuquin Papa caidën nuqui uidënuac ma badiadbono, quiash tabadpondash.

Hechos 27:31

Adec aido cuennu, quesho tantiashun Pabadon: Cuennu, quequido canompin nidnuc cano dapan nidquidotedi nuqui mentoadendac, quepondash sondadobëta cano dapa nidmequid capitan chiec.

Hechos 27:32

Aden Pabadon chiaquien sondadon abi nëshaid bucutedi sënac canompi nëpaëdpondash: Cuennu, quequido cuentiapimbo icnuc.