Hechos 27:24 - El Nuevo Testamento en matsés

²⁴ Doma yacnocquidon chuiquid tapambo empedadod caid bëisquin mimbi chiendac. Mibi ambo nidmequin cano dapan mibëd nidquidotedi Nuquin Papan acte yacnoshon uënësmenquio iqueque. Dacuëdenda, Pabado, quequin chuiposhi Nuquin Papabëd icquidën.

Hechos 27:24 ပူးပေါင်းရင်းမြစ်များ

Mateo 10:18

Utsibombic adembidi cuesmenuen chuiquid tapa cobednadod yacno mibitedi buanendac. Adembidi chuiquid tapa utsi yacnotsen mibi buanendac. Ubi chuibanquidon chuiquid tapabëta isadaidpembo ma umbi naid chuibannu, ubi quenuc mibitedi aden buanendac.

Mateo 10:28

Aden chuibennesho min dadauidtsëqui cuessunnetequid dacuëdënenda. Min mayan uënëstiapimbo icquid icsho nibëdametiapimbo iquec. Min dada uënësambi min mayan abi icsho cuidquin chian annëdënquiacno nësecanquidquio tantiata. Adquid Nuquin Papa icsho dacuëdënta.

Uanën dada uaid 11:9

Adoaquien utsi chiacbimbuen chuiquin: Badiadën uëshë chënquenuc capuec tocoshquetanec uebudesa nec.

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Hechos 25:11

Icsambocquidquio neque. Pabado cuessunneme, quequin abimbo chuisho tantiash: Adoanenda, quenquioctsiabi. Isadaidbon abimbo chiacbimbuen chuisho tantiash: Pabado buanshun cuidta, quetiapimbo mibi iquec. Isadaidbo yacno buanmetiadquio iquebi, mibi quesho tantiashun: Doma yacnocquidon chuiquid tapambo Empedadod Sesadën ma umbi naid chuimeshun ma umbi icsambuen naid cuidnu, quepanëdash Pabado Uesto chiec.

Hechos 27:31

Adec aido cuennu, quesho tantiashun Pabadon: Cuennu, quequido canompin nidnuc cano dapan nidquidotedi nuqui mentoadendac, quepondash sondadobëta cano dapa nidmequid capitan chiec.

Hechos 27:37

Cano dapan icquidtedi 276ted icpondash.

Hechos 27:42

Adsho isash sondado: Mëtaniaidtedi tantanec cuentsiashe. Cuessun secanu, quesho

Hechos 27:44

tantantiapimbocquido cano cuësh cuëshëdaid cuëshë bedash noadec tantanquido tsibanec nidta, quequin chuipondash sondado chuiquid capitanën cano dapan antabëdquido chuiquin. Aden aidën chiacpadquiec nidannec mentoadenquio yec ubitedi nidaid yacno nidash pudundocuededpondash.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Pidemon 1:22

Utsitsen chuinu. Tantia. Umbi tantienquio icnuc chonoshe, queshun ubi ushte nacnenta. Mibitedishun ubi tantiaquin chianniacpadombuen badedquio Nuquin Papan mibi yacno nidmiac mibi isec nidendabi.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Esusën Uan ismiaid 1:17

Adec dacuëdampambuecsho istanequini aton tayumbi uënësacbimbuec uebudpaccoc. Adshobini aton mëdante abiucshun camishquin naden chuiposhi: Dacuëdenda. Ëndenquimboshë nidaid uabi yec icpampidi nebi. Adquid iquec nibëdantiapimbo icquidquio nebi.