Hechos 27:18 - El Nuevo Testamento en matsés

¹⁸ Aden cunquequid tapan cano buannubi badiadnuc acte cumapenec bocquec tëccuasquesho issun ambi ansandoshon buanaid acte nësecapondash.

Hechos 27:18 ပူးပေါင်းရင်းမြစ်များ

Mateo 16:26

Abi bunaid dadpenquio bedbanec Ubi tantiesa yec uënësash Nuquin Papa yacno puduedtiapimbo iquendac. ¿Adquidta bëdambo icpadic? ¿Nuquin Papa piucquid menecta matses aid yacno puduedpatsiash? Padenquio.

Ducas 12:23

Bëdambuec tabadnu, quequin peteuidi tantienda. Adembidi dashcute dasiuidteuidi tantienda.

Ducas 16:8

Adoacsho tantiashun icbon: Cun piucquid icsambuen dayun uaquidën ambi naid tantiaquidquio nec. Cun icbon nidmiacsho umbi nashunaidon ubi bëdambuen isquin iuedtsiash, quepec. Aden Nuquin Papa tantiesabon aton piucquid bednuen ambi naid tantiaquidquio nec. Padnuen Nuquin Papa tantiaquidën aton piucquid bedte bëdiactsëc tantiatsec.

Hechos 27:19

Adshumbic daëdec ushshun bucu nua icnuc uidënuatequid nacnenaid iuëmbocsho nësecauapondash.

Hechos 27:38

Aden abi bunactembi pebededshumbic: Iuëmbo iquec, queshun ambi sandoaid tidico caid ëshë acte nësecapondash.

Ebedeo 12:1

Aden Nuquin Papa tantiaquidombo yec uënësampidën dacuenadec tabadquin isacbimbuec nuqui tabadec. Aidon nampid tantiaquin Nuquin Papa tantiate bunquioquin: Cun dashcute iuëmbocquid chictanec cumapenec titinquetannu, quiacbimbuen nuqui icsambuen nabanaid ënnuna. Adembidi dayacquiocquin Nuquin Papan chiacpaden nabanec tabadnuna.